راہل گاندھی کی قیادت میں ’بھارت جوڑو نیائے یاترا‘ رائے گڑھ سے دوبارہ شروع

راہل گاندھی نیائے یاترا کی شروعات ’گاندھی مجسمہ‘ سے کریں گے۔ ان کے ساتھ کانگریس کے سینئر لیڈر جے رام رمیش، کنہیا کمار اور چھتیس گڑھ کے کئی بڑے کانگریسی لیڈر بھی موجود ہوں گے

<div class="paragraphs"><p>بھارت جوڑو نیائے یاترا کے دوران راہل گاندھی، تصویر @INCIndia</p></div>

بھارت جوڑو نیائے یاترا کے دوران راہل گاندھی، تصویر @INCIndia

user

قومی آوازبیورو

رائے گڑھ (چھتیس گڑھ): کانگریس کے سینئر لیڈر راہل گاندھی کی بھارت جوڑو نیائے یاترا دو دن کے وقفے کے بعد آج 11 فروری 2024 کو رائے گڑھ سے دوبارہ شروع ہو رہی ہے۔

راہل گاندھی دہلی سے جندل ہوائی اڈے پر پہنچیں گے، جس کے بعد گاندھی مجسمہ سے نیائے یاترا شروع ہوگی۔ ان کے ساتھ کانگریس کے سینئر لیڈر جے رام رمیش، کنہیا کمار اور چھتیس گڑھ کے کئی بڑے کانگریسی لیڈر بھی موجود ہوں گے۔

نیائے یاترا انچارج اوشا نائیڈو نے بتایا کہ یہ یاترا رائے گڑھ کے مختلف راستوں سے ہوتے ہوئے کھرسیا اسمبلی پہنچے گی۔ انہوں نے بتایا کہ راہل گاندھی انصاف کے لیے آواز اٹھا رہے ہیں اور یاترا کے ذریعے لوگوں کے درمیان پہنچ رہے ہیں۔

بھارت جوڑو نیائے یاترا کو کامیاب بنانے کے لیے ریاست کے سینئر کانگریس لیڈران بشمول چھتیس گڑھ ریاستی کانگریس صدر دیپک بیج، سابق ریاستی صدر موہن مرکام شہر پہنچ گئے ہیں اور بڑے پیمانے پر یاترا کو کامیاب بنانے میں مصروف ہیں اور اتوار کو کانگریس لیڈروں کے ساتھ میٹنگ کر کے شروع ہونے والی یاترا کو حتمی شکل دیں گے۔ تمام رہنماؤں کو مختلف ذمہ داریاں سونپی گئی ہیں۔


خیال رہے کہ 14 مقامات پر راہل گاندھی کے استقبال کی تیاریاں کی گئی ہیں۔ راہل گاندھی شہر کے اسٹیشن چوک، ستّی گوڑی چوک، گھڈی چوک سے ہوتے ہوئے کیورا باری بس اسٹینڈ چوک تک پیدل یاترا کریں گے۔ اس کے علاوہ جن نائک رام کمار اگروال پرتیما چوک پر کارنر میٹنگ سے بھی خطاب کریں گے۔

اس میٹنگ کے بعد راہل گاندھی کھرسیا کے راستے سکتی کے لیے روانہ ہوں گے۔ اس دوران چھتیس گڑھ کے انچارج سچن پائلٹ، سابق سی ایم بھوپیش بگھیل، پی سی سی صدر دیپک بیج، سابق ریاستی صدر موہن مارکم سمیت کئی سینئر لیڈران ان کے ساتھ موجود رہیں گے۔

(یو این آئی ان پٹ کے ساتھ)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;