شیو سینا کا بی جے پی سے سوال، کیا برڈ فلو کے پس پشت بھی پاکستان اور خالصتان کا ہاتھ ہے؟

شیو سینا نے بی جے پی سے یہ سوال کیا ہے کہ اب تک اس کی پارٹی کے ترجمانوں نے یہ اعلان کیوں نہیں کیا کہ مرغیوں اور پرندوں کی پراسرار ہلاکتوں کے پس پشت بھی، پاکستانی اور نکسلیوں کا ہاتھ ہے۔

تصویر ٹوئٹر @SaamanaOnline
تصویر ٹوئٹر @SaamanaOnline
user

یو این آئی

ممبئی: شیوسینا نے اپنی سابقہ ہمنوا سیاسی پارٹی بی جے پی سے سوال کیا ہے کہ کیا ملک میں برڈ فلو کی وباء پھیلنے کے پس پشت بھی کوئی پاکستانی، خالصتانی یا ماؤ نواز تنظیموں کا ہاتھ ہے؟ سینا کے ترجمان اخبار سامنا میں لکھے گئے اداریہ میں مھاراشٹرا کی حکمراں جماعت میں شامل شیوسینا نے بی جے پی قائدین کے زرعی بل کے خلاف کسانوں کے جاری احتجاج پر دیئے گئے بیان پر ردعمل کا اظہار کرتے ہوئے کہ بی جے پی نے الزام لگایا تھا کہ پاکستانیوں، خالصتانیوں، چینیوں، نکسلیوں اور ماؤنوازوں کی کسانوں کے احتجاج کو حمایت حاصل ہے اور پردے کے پیچھے یہ ہی ملک دشمن طاقتیں ان کو اکسا رہی ہیں۔

شیوسینا نے بی جے پی سے سوال کیا ہے کہ کیا ملک میں برڈ فلو پھیلنے میں بھی کوئی پاکستانی، خالستانی یا نکسلی ہاتھ ہے؟ اداریہ میں مزید لکھا ہے کہ کسان نئے زرعی قانون کے خلاف احتجاج کر رہے ہیں اور اس دوران برڈ فلو پھیلنے کا نیا بحران سامنے آیا ہے نیز چند سرکاری عہدے داران کا کہنا ہے کہ کسانوں کے احتجاج کے پیچھے ملک دشمن طاقیں شامل ہیں۔ شیو سینا نے بی جے پی سے یہ سوال کیا کہ اب تک اس کی پارٹی کے ترجمانوں نے یہ اعلان کیوں نہیں کیا کہ مرغیوں اور پرندوں کی پراسرار ہلاکتوں کے پس پشت بھی، پاکستانی اور نکسلیوں کا ہاتھ ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔