ریا چکرورتی کی گرفتاری سے سوشانت کی بہن کو ملا 'دلی سکون'

بالی ووڈ اداکار سوشانت سنگھ کی موت معاملہ میں جانچ کا دائرہ روزانہ بڑھتا ہی جا رہا ہے اور کئی لوگوں کی گرفتاری کے بعد آج سوشانت کی گرل فرینڈ ریا چکرورتی کی گرفتاری بھی عمل میں آ گئی۔ اس گرفتاری کے بعد سوشانت کے لیے انصاف کا مطالبہ کر رہے لوگوں میں خوشی کا ماحول دیکھنے کو مل رہا ہے اور سوشانت کی بہن شویتا سنگھ کیرتی نے بھی اس تعلق سے ایک ٹوئٹ کیا ہے جس میں انھوں نے دلی سکون ملنے کی بات کہی ہے۔

اپنے ٹوئٹ میں شویتا سنگھ کیرتی نے لکھا ہے کہ "دل کو سکون ملنے والی خبر... بالآخر آپ لوگوں کی کوششوں سے ریا چکرورتی گرفتار ہو گئی۔ بہت بہت شکریہ ساتھیو، آپ کے بھرپور تعاون کے لیے۔" ساتھ ہی شویتا نے ورلڈ یونائٹیڈ فور ایس ایس آر ہیش ٹیگ بھی لگایا ہے۔ قابل ذکر ہے کہ شویتا سنگھ کیرتی لگاتار ٹوئٹ کے ذریعہ اپنے بھائی کو انصاف دلانے کی مہم جاری رکھے ہوئی ہیں اور سوشانت کے چاہنے والوں کو اس لڑائی میں جوڑ کر آگے بڑھ رہی ہیں۔