رام مندر چندہ: وی ایچ پی وفد 21 جنوری کو مغربی بنگال کے گورنر سے کرے گا ملاقات

وی ایچ پی بنگال کے انچارج ساربھ مکھرجی نے بتایا کہ وی ایچ پی کے بین الاقوامی ایگزیکٹو صدر آلوک کمار 21 جنوری کو کولکاتا آرہے ہیں۔ وہ یہاں رام مندر تعمیر کے لئے فنڈ جمع کرنے کی مہم کی شروعات کریں گے۔

جگدیپ دھنکھر، تصویر آئی اے این ایس
جگدیپ دھنکھر، تصویر آئی اے این ایس
user

یو این آئی

کولکاتا: وشو ہندو پریشد کا ایک وفد کل ایودھیا میں تعمیر ہونے والے رام مندر کی تعمیر کے لئے چندہ مہم کے تحت مغربی بنگال کے گورنر جگدیپ دھنکھر سے ملاقات کرے گا۔ وشوہندو پریشد بنگال کے انچارج ساربھ مکھرجی نے بتایا کہ وشو ہندو پریشد کے بین الاقوامی ایگزیکٹو صدر الوک کمار 21 جنوری یعنی جمعرات کو کلکتہ آ رہے ہیں۔ وہ یہاں رام مندر کی تعمیر کے لئے فنڈ جمع کرنے کی مہم کی شروعات کریں گے اور اسی دن دوپہر 2 بجے وہ راج بھون جائیں گے اور گورنر جگدیپ دھنکھر سے ملاقات کریں گے۔

راج بھون ذرائع نے بتایا ہے کہ گورنر رام مندر کی تعمیر کے لئے فنڈز مختص کریں گے۔ اس کے علاوہ آلوک کمار بہت سارے بڑے صنعتکاروں اور ریاست کی دیگر اہم شخصیات سے مل سکتے ہیں۔ قابل ذکر ہے کہ صدر رام ناتھ کووند نے رام مندر کی تعمیر کے لئے پانچ لاکھ روپے کا چیک دیا ہے۔ اس کے بعد ملک کے مختلف حصوں کے گورنر بھی اس کے لئے مدد فراہم کر رہے ہیں۔ بہار کے گورنر رام مندر کے لئے فنڈ پہلے ہی سونپ چکے ہیں۔ اب یہ دیکھا جائے گا کہ مغربی بنگال کے گورنر کتنا چندہ دیتے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔