کانگریس کے دو کارکنان کا قتل، انصاف ملنے تک چین سے نہیں بیٹھیں گے: راہل

کیرالہ کے كاسرگوڑ میں اتوار کی شب نامعلوم حملہ آوروں نے یوتھ کانگریس کے دو کارکنان کا بے رحمی سے قتل کر دیا گیا، یہ اطلاع پولس کے سینئر افسر نے دی، افسر نے بتایا کہ یہ واردات رات تقریباً آٹھ بجے ہوئی اور مرنے والوں کی شناخت كیرپیش اور سارت لال کے طور پر ہوئی ہے۔

کانگریس صدر راہل گاندھی نے ٹوئٹ کرتے ہوئے اس واقعہ کو شاكنگ بتایا، انہوں نے حملے میں مارے گئے کانگریس کارکنان کے اہل خانہ کو تسلی دی، انہوں نے کہا، ’’جب تک کارکنان کے قتل معاملے میں انصاف نہیں مل جاتا، وہ چین سے نہیں بیٹھیں گے‘‘۔

وہیں کانگریس لیڈر رمیش چیننتھلا نے حکمران سی پی ایم پر نشانہ لگاتے ہوئے اس ڈبل قتل کے خلاف اپنا احتجاج درج کراتے ہوئے انہوں نے الزام لگایا کہ لوک سبھا انتخابات قریب آنے کی وجہ سے سازشاً یہ قتل کروائے گئے ہیں، اگرچہ سی پی ایم کے ضلع سکریٹری ماسٹر ایم وی بالا کرشنن نے ان ہلاکتوں میں اپنی پارٹی کے کسی بھی طرح کے ملوث ہونے سے مکمل طور پر مسترد کر دیا ہے۔

کیرل میں پہلے بھی کئی بار کانگریس کارکنان کے قتل ہونے کی خبریں سامنے آ چکی ہیں، اس سے پہلے بھی کیرالہ کے کانپور ضلع میں گزشتہ سال فروری میں ایسی ہی واردات سامنے آئی تھی، یہ واقعہ اس وقت رونما ہوا جب گاڑی سے آئے چار حملہ آوروں نے ایس پی صہیب اور پارٹی کے دو دیگر ارکان پر دیسی بم پھینکے، اس حملے میں صہیب کا قتل ہوا تھا جس کا الزام بھی سی پی آئی (ایم) پر لگا تھا۔