پوروانچل یونیورسٹی نے 200 آنگن باڑی سنٹرس کو گود لینے کا کیا اعلان

یونیورسٹی وائس چانسلر پروفیسر نرملا ایس موریہ نے اعظم گڑھ اور مئو ضلع میں منعقد ایک تقریب میں گورنر اترپردیش آنندی بین پٹیل کی موجودگی میں اس کا اعلان کیا۔

لوگو vbspu.ac.in
لوگو vbspu.ac.in
user

یو این آئی

جونپور: ویر بہادر سنگھ پوروانچل یونیورسٹی نے 200 آنگن باری سنٹروں کو گود لیا ہے۔ اس میں اعظم گڑھ کے 125 اور مئو کے 75 آنگن باری سنٹر شامل ہیں۔ یونیورسٹی کے وائس چانسلر پروفیسر نرملا ایس موریہ نے اعظم گڑھ اور مئو ضلع میں منعقد ’آنگن باڑی سنٹروں کو سہولیات سے لیس بنانے کی انوکھی پہل‘ تقریب میں گورنر اترپردیش آنندی بین پٹیل کی موجودگی میں اس کا اعلان کیا۔

یونیورسٹی کی اس پہل اور خواتین کو بااختیار بنانے کے شعبے میں خصوصی شراکت داری کے لئے گورنرآنندی بین پٹیل نے وائس چانسلر کو تہنیتی لیٹر دے کر اعزاز سے نوازہ۔ اعظم گڑھ اور مئو اضلاع کے انٹر کالجوں کے ذریعہ منعقد اس تقریب کی صدارت کرتے ہوئے یونیورسٹی کے وائس چانسلر پروفیسر نرمل ایس موریہ نے کہا کہ پوروانچل یونیورسٹی خاتون ریسرچ سنٹرکی جانب سے خواتین کو بیدار کرنے کے ساتھ ساتھ گاؤں میں چوپال لگا کر انہیں عدم تغذیہ پلاسٹک کا بائیکاٹ، خاتون ہیلتھ سے متعلق جانکاری دی جاتی ہیں جس کا سیدھا فائدہ خواتین کو ملتا ہے۔


انہوں نے کہا کہ چانسلر کی رہنمائی میں یونیورسٹی لگاتار خواتین کی بہتری کے ساتھ ساتھ سماجی فرائض کی ادائگی کر رہی ہے۔ اور آگے بھی یہ سلسلہ جاری رہے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔