پلوامہ: فوجی اہلکاروں پر مسجد میں گھسنے کا الزام

سری نگر: جموں و کشمیر کے پلوامہ ضلع کی ایک مسجد میں فوج کے کچھ اہلکاروں کے مبینہ داخلے کی ریاست کے سیاسی حلقوں میں مذمت کی جا رہی ہے۔ پلوامہ ضلع کے زادورا گاؤں کے لوگوں نے الزام لگایا ہے کہ فوج کے کچھ اہلکار مقامی مسجد میں داخل ہوئے اور مسلمانوں کو 'جئے شری رام' کا نعرہ لگانے پر مجبور کیا۔ تاہم اس واقعے کے حوالے سے فوج کی جانب سے ابھی تک کوئی بیان سامنے نہیں آیا ہے۔

تین سابق وزرائے اعلیٰ، غلام نبی آزاد، عمر عبداللہ اور محبوبہ مفتی نے اپنے ٹوئٹر پر اس واقعے کی مذمت کی ہے۔ انہوں نے مطالبہ کیا ہے کہ وزیر دفاع راج ناتھ سنگھ اس واقعہ کی تصدیق کریں اور اگر درست ثابت ہوں تو اس کے ذمہ داروں کو سزا دیں۔ اسی طرح کی مذمت سابق وزیر اور پیپلز کانفرنس کے سربراہ سجاد غنی لون نے بھی کی ہے۔