پرالی جلانے کو لے کر کسانوں پر درج کیس واپس لینے کا فیصلہ یوگی حکومت کا ڈرامہ: پرینکا

یوگی حکومت کے ذریعہ کسانوں پر پرالی جلانے کو لے کر درج کیس کو واپس لینے کے فیصلے پر پرینکا نے حملہ کیا ہے، انھوں نے اسے حکومت کا ڈرامہ قرار دیا اور سوال کیا کہ آخر کسانوں کی بے عزتی کیوں کی گئی؟

پرینکا گاندھی، تصویری و این آئی
پرینکا گاندھی، تصویری و این آئی
user

قومی آوازبیورو

یوگی حکومت کے ذریعہ کسانوں پر پرالی جلانے کو لے کر درج کیس کو واپس لینے کے فیصلے پر اب پرینکا گاندھی نے حملہ کیا ہے۔ کانگریس جنرل سکریٹری پرینکا گاندھی نے اسے ریاستی حکومت کا ڈرامہ قرار دیا ہے۔ اس سلسلے میں پرینکا گاندھی نے ایک ٹوئٹ کیا ہے جس میں لکھا ہے کہ ’’جب یو پی حکومت پرالی جلانے کے لیے کسانوں کے ساتھ جرائم پیشوں کی طرح سلوک کر رہی تھی، اس وقت کانگریس پارٹی نے پوچھا تھا کہ کسان کا دھان قانونی، اور پرالی غیر قانونی کیسے؟‘‘

پرینکا گاندھی نے ٹوئٹ میں مزید سوال کیا ہے کہ ’’الیکشن آتے ہی مقدمے واپس لینے کا ڈرامہ کرنے والی حکومت کو بتانا چاہیے کہ کسانوں کی بے عزتی کس کے حکم پر کی گئی تھی؟‘‘ غور طلب ہے کہ گزشتہ مہینے یوگی حکومت نے مغربی اتر پردیش کے کسانوں سے بات چیت کے دوران کیس واپس لیے جانے کا اعلان کیا تھا۔ وزیر اعلیٰ نے کہا تھا کہ مقدمے واپس لینے کے ساتھ ہی کسانوں پر لگایا گیا جرمانہ بھی معاف کیا جائے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔