سری نگر میں 'ٹارگٹ کلنگ' کے واقعے میں پولیس سب انسپکٹر کی موت

سری نگر: سری نگر کے خانیار میں اتوار کو ایک مشتبہ ملی ٹنٹ نے ایک پولیس سب انسپکٹر پر نزدیک سے گولیاں چلائیں جس کی وجہ سے اس کی موت واقع ہوگئی، سرکاری ذرائع نے بتایا کہ خانیار میں اتوار کو دوپہر کے وقت ایک ملی ٹنٹ نے پولیس سب انسپکٹر ارشد احمد میر ساکن کلمونہ کپوارہ پر نزدیک سے گولیاں چلائیں، جس کی وجہ سے وہ شدید زخمی ہو گئے۔ انہوں نے بتایا کہ زخمی ارشد احمد کو پہلے شری مہاراجہ ہری سنگھ اسپتال اور پھر شیر کشمیر انسٹی ٹیوٹ آف میڈیکل سائنسز منتقل کیا گیا لیکن وہ زخموں سے جانبر نہ ہو سکے۔

اس دوران پولیس نے واقعے کی سی سی ٹی وی فوٹیج جاری کی ہے جس میں ایک مشتبہ ملی ٹنٹ کو پیچھے سے آ کر راہ چلتے سب انسپکٹر کو بالکل نزدیک سے گولیاں مارتے ہوئے دیکھا جا سکتا ہے۔ پولیس ذرائع نے بتایا کہ واقعے کی تحقیقات شروع کر دی گئی ہیں اور تمام چیکنگ پوائنٹس کو الرٹ کیا گیا ہے۔ سابق وزیر اعلیٰ عمر عبداللہ نے 'ٹارگٹ کلنگ' کے اس واقعے کی شدید الفاظ میں مذمت کی ہے۔