عوام 2022 میں بی جے پی کو لانے کی غلطی نہیں کریں گے: اکھلیش یادو

سابق وزیر اعلی اکھلیش یادو نے طنزیہ انداز میں کہا کہ ’’بی جے پی حکومت سے لوگ کہہ رہے ہیں کرلو جتنی زیادہ غلطیاں کرنی ہے لیکن اب 2022 میں ہم غلطی نہیں کریں گے۔‘‘

اکھلیش یادو، تصویر یو این آئی
اکھلیش یادو، تصویر یو این آئی
user

یو این آئی

لکھنؤ: سماج وادی پارٹی (ایس پی) کے صدر اکھلیش یادو نے امیٹھی میں ضلع پنچایت ممبر کے انتخابی نتائج کو تبدیل کرنے کے ضلع انتظامیہ کے رویہ پر سوال اٹھاتے ہوئے کہا کہ انتظامیہ بھی حکومت کی طرز پر عمل پیرا ہے لیکن لوگ یہ کہہ رہے ہیں کہ 2022 میں بی جے پی کو اقتدار میں لانے کی غلطی نہیں کریں گے۔

اکھلیش یادو نے اتوار کے روز ٹوئٹ کے ساتھ ضلع پنچایت ممبر کے دو سرٹیفکیٹ منسلک کیے ہیں، جس میں ایک میں ضلع پنچایت ممبر کا نام نیلم یادو کا نام ہے جبکہ دوسرے میں اس کا نام کرشنا دیوی لکھا گیا ہے۔ انہوں نے لکھا کہ "جیسی حکومت ویسی انتظامیہ۔" اتر پردیش کے امیٹھی میں، انتخابی نتائج کو انتظامیہ نے کچھ دن بعد یہ کہتے ہوئے تبدیل کر دیا کہ دوسرے وارڈوں کے ووٹوں کو غلطی سے گن لیا گیا ہے۔ یہ "گھور کل یوگ ہے۔"


سابق وزیر اعلی نے طنزیہ انداز میں یہ بھی کہا کہ ’’بی جے پی حکومت سے لوگ کہہ رہے ہیں کرلو جتنی زیادہ غلطیاں کرنی ہے لیکن اب 2022 میں ہم غلطی نہیں کریں گے۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔