کلکتہ میونسپل کارپوریشن کے انتخاب کے لئے نوٹیفکیشن جاری

کمیشن کے نوٹیفکیشن کے مطابق یکم دسمبر کاغذات نامزدگی جمع کرانے کا آخری دن ہے۔ 2 دسمبر کو جانچ پڑتال، 4 دسمبر کو کاغذات نامزدگی واپس لینے اور 19 دسمبر کو صبح 8 بجے سے شام 5 بجے تک ووٹنگ کا دن ہے۔

علامتی تصویر
علامتی تصویر
user

یو این آئی

کلکتہ: کلکتہ ہائی کورٹ میں کلکتہ میونسپل کارپوریشن کے انتخاب کے معاملے میں سماعت ملتوی ہونے کے بعد آج ریاستی الیکشن کمیشن نے 19دسمبر کو انتخابات کے لئے نوٹیفکیشن جاری کر دیا ہے۔19دسمبر کو ہونے والے انتخابات کے لئے آج نوٹیفکیشن جاری کرنا لازمی تھا۔ ریاستی الیکشن کمیشن کے مطابق ریاستی الیکشن کمشنر آج دوپہر 12 بجے پریس کانفرنس کرے گی۔ کلکتہ میونسپل انتخابات کا شیڈول بھی اسی وقت جاری کیا جائے گا۔

کمیشن کے نوٹیفکیشن کے مطابق یکم دسمبر کاغذات نامزدگی جمع کرانے کا آخری دن ہے۔ 2 دسمبر کو جانچ پڑتال کا آخری دن، 4 دسمبر کو کاغذات نامزدگی واپس لینے کا آخری دن اور 19 دسمبر کو صبح 8 بجے سے شام 5 بجے تک ووٹنگ کا دن ہے۔


ریاستی حکومت کلکتہ اور ہوڑہ میں 19 دسمبر کو انتخابات کروانا چاہتی تھی۔ لیکن بی جے پی تمام میونسپلٹی کو ایک ساتھ ووٹ دینے کا مطالبہ کرتے ہوئے عدالت گئی تھی۔ وہیں، ریاستی الیکشن کمیشن نے کہا کہ وہ کئی مواقع پر ریاست میں پہلے سے ووٹ کی مانگ رہے ہیں۔ کمیشن کے مطابق اس وقت 112 میونسپلٹیوں کی میعاد ختم ہو چکی ہے۔ ان 112 میونسپلٹیوں میں ایک ساتھ ووٹنگ ممکن نہیں ہے۔ کیونکہ ای وی ایم اسٹاک ریاستی الیکشن کمیشن کے ہاتھ میں نہیں ہے کہ وہ تمام جگہ ایک ساتھ ووٹنگ کرا سکے۔ اس لیے ریاستی الیکشن کمیشن ایک سے زیادہ مراحل میں انتخاب کرانا چاہتی ہے۔

بی جے پی کے ریاستی نائب صدر پرتاپ بندیوپادھیائے نے مفاد عامہ کی عرضی دائر کرکے تمام میونسپلٹیوں کو ایک ساتھ ووٹ دینے کی درخواست کی تھی۔ اس معاملے میں، ریاستی الیکشن کمیشن نے حلف نامہ کے ساتھ ہائی کورٹ کو اپنی حدود سے آگاہ کیا۔ اس معاملے میں اگلے پیر کو سماعت ہوگی۔


ریاستی حکومت اپنے حلف نامہ میں کہا کہ ریاستی الیکشن کمیشن کے مشورے کے مطابق متعدد مراحل میں انتخابات کرانے کا فیصلہ کیا ہے۔ ووٹنگ کا پہلا مرحلہ 19 دسمبر کو تجویز کیا گیا تھا۔ اس دن کلکتہ اور ہوڑہ کارپوریشن میں ووٹنگ ہوگی۔ چوں کہ اس وقت ہوڑہ کے انتخاب کو لے کر غیر یقینی صورت حال ہے۔ اس لئے ریاستی الیکشن کمیشن نے آج کلکتہ میونسپل کو لے کر نوٹیفکیشن جاری کر دیا ہے۔ کلکتہ میں آج سے ضابطہ اخلاق شروع ہوگیا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔