کورونا ٹیکہ کاری مہم کے دوران 209.40 کروڑ سے زیادہ ٹیکے لگائے جا چکے

نئی دہلی: ملک بھر میں قومی کووڈ ویکسینیشن مہم کے تحت 209.40 کروڑ سے زیادہ کووڈ ویکسین لگائی گئی ہیں۔ مرکزی وزارت صحت اور خاندانی بہبود نے ہفتہ کو یہاں بتایا کہ آج صبح 7 بجے تک دو ارب 9 کروڑ 40 لاکھ 48 ہزار 140 ویکسین دی جا چکی ہیں۔

وزارت نے بتایا کہ گزشتہ 24 گھنٹوں میں کووڈ انفیکشن کے 13 ہزار 272 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد ایک لاکھ ایک ہزار 166 ہو گئی ہے۔ یہ متاثرہ کیسز کا 0.23 فیصد ہے۔ انفیکشن کی یومیہ شرح 4.21 فیصد تک پہنچ گئی ہے۔

وزارت نے کہا کہ اسی مدت میں 13 ہزار 900 لوگ کووڈ سے صحت یاب ہوئے ہیں۔ اب تک کووڈ سے کل 4 کروڑ 36 لاکھ 99 ہزار 435 مریض صحت یاب ہو چکے ہیں۔ بحالی کی شرح 98.58 فیصد ہے۔ گزشتہ 24 گھنٹوں میں ملک میں 3 لاکھ 15 ہزار 231 کووڈ ٹیسٹ کیے گئے ہیں۔ ملک میں کل 88 کروڑ 21 لاکھ 88 ہزار 283 کووڈ ٹیسٹ کیے گئے ہیں۔