یوگی حکومت میں وزیر انل شرما نے کسانوں کو کہا ’غنڈہ‘، اجے کمار للو ہوئے ناراض

لکھنؤ: اترپردیش کانگریس کے صدر اجے کمار للو نے وزیر اعلی یوگی آدتیہ ناتھ سے کسانوں کے خلاف مبینہ طور سے قابل اعتراض تبصرہ کرنے والے ریاستی وزیر کے خلاف کارروائی کرنے کا مطالبہ کیا ہے۔ اجے کمار للو نے ہفتہ کو میڈیا نمائندوں سے کہا کہ زرعی قانون کے خلاف سراپا احتجاج کسانوں کو یوگی حکومت میں ریاستی وزیر انل شرما نے غنڈہ کہتے ہیں۔ یہ ملک کو اناج دینے والے کسانوں کی توہین ہے جو اپنے حق کی لڑائی سڑکوں پر لڑ رہے ہیں۔ بی جے پی حکومت صاف کرے یہ وہ ایم ایس پی کے ساتھ ہے یا ان کے خلاف ہے۔

حکومت بتائے کہ زرعی قانون ارتکاذ کے خلاف ہے یا ساتھ۔ انہوں نے کہا کہ وزیر اعلی کو اپنے وزیر کے بیان کے لئے کسانوں سے معافی مانگنی پڑے گی اور کسانوں کی توہین کرنے والے وزیر کے خلاف کارروائی کرنے ہوگی۔ اگر وزیر اعلی نے معاف نہیں مانگی تو کانگریس اس معاملے کو لے کر عوام کے درمیان جائے گی۔