مدھیہ پردیش میں ٹلا بڑا حادثہ، رتلام-امبیڈکر نگر ڈیمو ٹرین کے دو ڈبوں میں لگی آگ، تمام مسافر محفوظ

مدھیہ پردیش میں ایک بڑا ریل حادثہ ٹل گیا۔ رتلام اور اندور کے درمیان چلنے والی ڈی ایم یو ٹرین کے دو ڈبوں میں آگ لگ گئی۔ اس کے بعد مسافر ٹرین سے اترے اور کئی کلومیٹر پیدل چلنے کے بعد ریلوے اسٹیشن پہنچے۔ ریلوے کے ایک اہلکار نے بتایا کہ اتوار کی صبح پریتم نگر ریلوے اسٹیشن کے قریب رتلام سے امبیڈکر نگر آنے والی ڈی ایم یو ٹرین کے ڈرائیونگ موٹر کوچ میں آگ لگ گئی۔

ذرائع کے مطابق فائر بریگیڈ کی ٹیم نے پہنچ کر صورتحال پر قابو پایا۔ ریلوے اہلکار موقع پر پہنچ گئے، کوئی جانی نقصان نہیں ہوا۔ بتایا گیا ہے کہ آگ ڈرائیونگ موٹر کوچ سے دو بوگیوں تک پھیل گئی اور آگ نے خوفناک شکل اختیار کر لی۔ آگ کے شعلے دیکھ کر مسافر بوگی سے باہر نکلے اور اپنی جان بچائی۔ تمام مسافر بوگی سے بحفاظت نیچے اتر گئے۔