مہاتما گاندھی کے نظریات پوری دنیا کے لیے باعث تحریک ہیں: بالاصاحب تھورات

تھورات نے کہا کہ بابائے قوم مہاتماگاندھی نے پوری دنیا کے سامنے ہندوستان کی شناخت قائم کی۔ سچائی وعدم تشدد کے ذریعے عوامی تحریک کھڑی کرکے انہوں نے ملک کو آزادی دلائی۔

تصویر سوشل میڈیا
تصویر سوشل میڈیا
user

یو این آئی

ممبئی: مہاتما گاندھی کی شہادت کے دن ریاستی کانگریس کے صدر بالاصاحب تھورات نے بابائے قوم مہاتما گاندھی کے نظریات کو پوری دنیا کے لیے باعث تحریک بتایا اور کہا کہ باپو کے عدم تشدد کے نظریات پر چل کر ہی ملک ترقی کے منزل کو پاسکتا ہے۔ وہ یہاں کانگریس کمیٹی کی جانب سے بابائے قوم مہاتماگاندھی کی برسی کے موقع پر منعقدہ ایک پروگرام سے خطاب کر رہے تھے۔

انہوں نے کہا کہ بابائے قوم مہاتماگاندھی نے پوری دنیا کے سامنے ہندوستان کی شناخت قائم کی۔ سچائی وعدم تشدد کے ذریعے عوامی تحریک کھڑی کرکے انہوں نے ملک کو آزادی دلائی۔ چمپارن میں کسانوں کے لیے ستیہ گرہ، عدم تعاون تحریک، نمک ستیہ گرہ، 1942 میں واپس جاؤ تحریک جیسے کئی تحریکوں کی انہوں نے قیادت کی۔ قناعت وقربانی کی تعلیم دینے والے بابائے قوم مہاتماگاندھی کے نظریات کی آج پوری دنیا کو اشد ضرورت ہے، ان کی زندگی ہمارے لیے مستقل تحریک کا باعث ہے۔


اس موقع پر ڈاکٹر تانمبے نے کہا کہ مہاتماگاندھی کی زندگی مکمل جدوجہد سے عبارت ہے۔ ملک کی آزادی کی جدوجہد میں غریبوں وعام لوگوں کو ساتھ لے کر مہاتماگاندھی نے پورے ملک کو بیدار کیا۔ تحریک واحتجاج کے ذریعے انہوں نے انگریزوں کو مجبورکیا۔ برٹشوں کے ظلم وجبر کا جواب انہوں نے عدم تشدد کے ذریعے دیا۔ ایسے سچے اور عدم تشدد کے پر وردہ مہاتماگاندھی کے نظریات آج بھی ہرشخص کے لیے قابل عمل ہیں۔ انہوں نے نئی نسل کے لوگوں سے اپیل کی وہ مہاتماگاندھی کی زندگی کا مطالعہ کریں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔