مدھیہ پردیش: ریونیو ریکارڈس میں خامیوں کو دور کرنے کے لیے تصحیح کاری مہم 15 نومبر تک

اس مہم کا مقصد ریونیو ریکارڈ میں فرق کی وجہ سے عام لوگوں کو دن بہ دن درپیش مشکلات کو دور کرنے کے لئے ریکارڈوں میں پوری سنجیدگی سے اصلاحات کے کام کو ایک ساتھ پوری ریاست میں کرنا ہے۔

شیوراج سنگھ چوہان، تصویر آئی اے این ایس
شیوراج سنگھ چوہان، تصویر آئی اے این ایس
user

یو این آئی

بھوپال: مدھیہ پردیش کے وزیر اعلیٰ شیوراج سنگھ چوہان کی پہل پر ریاست میں ایک سے 15 نومبر تک ریونیو ریکارڈ میں خامیوں کو دور کرنے کے لیے ترجیحی بنیادوں پر پندرہ روزہ تصحیح کاری مہم منائی جا رہی ہے۔

سرکاری معلومات کے مطابق اس مہم کا مقصد ریونیو ریکارڈ میں فرق کی وجہ سے عام لوگوں کو دن بہ دن درپیش مشکلات کو دور کرنے کے لئے ریکارڈوں میں پوری سنجیدگی سے اصلاحات کے کام کو ایک ساتھ پوری ریاست میں کرنا ہے۔ پندرہ روزہ میں اب تک 33 لاکھ 6 ہزار 664 ریکارڈ میں مختلف قسم کی غلطیوں کو درست کیا جا چکا ہے۔ ریکارڈ میں خرابی کی وجہ سے زمین مالکان کو حکومت کی مختلف اسکیموں کافائدہ حاصل نہیں ہو پارہا تھا۔


ریونیو اور ٹرانسپورٹ کے وزیر گووند سنگھ راجپوت نے کہا کہ ریونیو ریکارڈ میں علاقائی الفاظ کے استعمال کی وجہ سے یکسانیت نہیں رہتی تھی۔ نیز ریکارڈ میں زمین کے مالک کا مشہور نام درج ہونے اور آدھار کارڈ میں اصلی نام درج ہونے کی وجہ سے بھی فرق تھا۔ اس کے علاوہ نام کی منتقلی اور تقسیم کے معاملات میں بھی علاقائی ملازمین کو پریشانی آتی تھی۔ بینک سے قرض لینے، پردھان منتری کسان اور فصل بیمہ جیسی اہم اسکیموں کا بھی زمیندار فائدہ نہیں اٹھا پا رہے تھے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔