آر جے ڈی کے 25ویں یوم تاسیس پر لالو یادو کا ’اعلانِ جنگ‘

اپنے ورچوئل خطاب کے دوران لالو پرساد نے اعلان کیا کہ وہ جلد بہار پہنچیں گے اور لوگوں سے روبرو ہوں گے تاکہ ان کے مسائل کو سمجھتے ہوئے غلط طاقتوں کے خلاف لڑائی کو آگے بڑھایا جائے۔

تصویر آئی اے این ایس
تصویر آئی اے این ایس
user

تنویر

آج راشٹریہ جنتا دل کے 25ویں یوم تاسیس پر پارٹی سربراہ لالو پرساد یادو نے پارٹی لیڈروں، کارکنان سمیت ریاست بھر کی عوام کو خطاب کیا اور موجودہ مشکل حالات سے جدوجہد کرنے کے عزم کا بھی اظہار کیا۔ اپنے ورچوئل خطاب کے دوران لالو پرساد نے اعلان کیا کہ وہ جلد بہار پہنچیں گے اور لوگوں سے روبرو ہوں گے تاکہ ان کے مسائل کو سمجھتے ہوئے غلط طاقتوں کے خلاف لڑائی کو آگے بڑھایا جائے۔ لالو پرساد نے کہا کہ وہ صرف پٹنہ ہی نہیں بلکہ ریاست کے ہر ضلع کا دورہ کریں گے اور وہاں کے لوگوں سے مل کر ان کے سامنے اپنے خیالات رکھیں گے۔

اپنے خطاب کے دوران لالو پرساد نے کہا کہ ’’جب ہم جنتا دل سے الگ ہٹے، تبھی ہمیں پتہ تھا کہ کیا کرنا ہے۔ ایسے میں سبھی ساتھیوں کے ساتھ بہار بھون میں میٹنگ کر پارٹی تشکیل دی گئی۔ نام کو لے کر تبادلہ خیال ہوا کہ آخر کیا نام رکھا جائے۔ تب ہم نے رام کرشن ہیگڑے کو فون کیا۔ انھوں نے مشورہ دیا کہ پارٹی کا نام ’راشٹریہ جنتا دل‘ رکھا جائے۔ پھر پارٹی بن گئی اور اس وقت سے ہم لگاتار جدوجہد کر رہے ہیں۔‘‘


اس درمیان بہار کے سابق نائب وزیر اعلیٰ اور لالو پرساد کے چھوٹے بیٹے تیجسوی یادو نے اپنے ٹوئٹر ہینڈل سے ’پارٹی گان‘ (پارٹی کا نغمہ) جاری کیا ہے۔ پارٹی گان کا ویڈیو جاری کرتے ہوئے انھوں نے ٹوئٹ میں لکھا ہے کہ ’’آج آر جے ڈی کے 25 سال مکمل ہونے پر پارٹی گان کو عام لوگوں کے سامنے پیش کیا گیا۔‘‘

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔