قصہ خاکی کا: دہلی پولیس کے ’پوڈ کاسٹ‘ پرسنیے اس کی غیرمعمولی کہانیاں

نئی دہلی: دہلی پولیس اتوار سے 'پوڈ کاسٹ' شروع کرنے جا رہی ہے، جہاں وہ اپنی ان سنی غیر معمولی کہانیاں دنیا کے ساتھ شیئر کرے گی، سرکاری ذرائع نے بتایا کہ دہلی پولیس اپنا پہلا 'پوڈ کاسٹ' ڈیجیٹل آڈیو پریزنٹیشن 'قصہ خاکی کا' 16 جنوری کو دوپہر 2 بجے شروع کردیا ہے، جو ٹوئٹر، فیس بک اور انسٹاگرام پر دستیاب ہے، 'پوڈ کاسٹ' کو ورتیکا نندا کے ذریعہ سنایا جائے گا، جو اپنے ریڈیو پروگرام کے ذریعے جیلوں میں اصلاحات پر بھی کام کر رہی ہیں۔

جب ملک 'آزادی کا امرت مہوتسو' کے تحت اپنی 75ویں آزادی کا جشن منا رہا ہے، 'قصہ خاکی کا' کے عنوان سے اپنے پوڈ کاسٹ کے ذریعے دہلی پولیس- جرائم، تحقیقات اور انسانیت کی ان سنی کہانیوں کے ذریعے عوام سے رابطہ قائم کرے گی۔

'قصہ خاکی کا' میں دہلی پولیس اہلکاروں کے تمام رینک کے ارکان کی جانب سے دی گئی غیر معمولی خدمات کا جشن منایا جائے گا۔ ایسے پولیس اہلکار جنہوں نے اپنے فرائض کے تئیں قابل ذکر ایمانداری کا مظاہرہ کیا ہے اور ساتھ ہی رضاکارانہ طور پر سماجی اور انسانی خدمات بھی انجام دیں۔

پوڈ کاسٹ دہلی پولیس اور شہریوں کے درمیان ایک نیا رشتہ قائم کرے گا۔ اس سے پولیس فورس کو درپیش چیلنجوں کے بارے میں لوگوں میں بہتر تفہیم پیدا ہوگی۔