Getting Latest Election Result...

وزیر اعلیٰ ہیمنت سورین نے اعتماد کا ووٹ حاصل کیا

جھارکھنڈ کے وزیر اعلیٰ ہیمنت سورین نے اعتماد کا ووٹ حاصل کر لیا ہے۔ انہوں نے اسمبلی کے خصوصی اجلاس میں اعتماد کا ووٹ پیش کیا تھا۔

ہیمنت سورین، تصویر آئی اے این ایس
ہیمنت سورین، تصویر آئی اے این ایس
user

قومی آوازبیورو

جھارکھنڈ کے وزیر اعلیٰ ہیمنت سورین نے اعتماد کا ووٹ حاصل کر لیا ہے۔ واضح رہے انہوں نے اسمبلی کے خصوصی اجلاس میں اعتماد کا ووٹ پیش کیا تھا۔ یہ خصوصی اجلاس کانکنی کی لیز کے معاملے میں الیکشن کمیشن کی سفارشات کی روشنی میں بلایا گیا تھا، کیونکہ کہا یہ جا رہا ہے کہ کمیشن نے سورین کے خلاف سفارش کی ہے۔ واضح رہے الیکشن کمیشن نے اپنی سفارش کا خط جھارکنڈ کے گورنر کو بھیجا ہے جو ابھی کھولا نہیں گیا ہے۔ اس خط میں کیا سفارش کی گئی ہے اس کا پتہ اس لفافے کے کھولے جانے کے بعد ہی پتہ لگے گا۔

الیکشن کمیشن نے جب سے اپنی سفارش کا لفافہ گورنر کو بھیجا ہے جب سے صوبہ جھارکنڈ میں سیاسی بے چینی بڑھ گئی ہے۔ ادھر وزیر اعلی ہمینت سورین کا الزام ہے کہ بی جے پی ان کے ارکان اسمبلی کو توڑنے کی کوشش کر رہی ہے۔ بی جے پی کی اس کوشش کی وجہ سے ہی وزیر اعلی ہیمنت سورین نے اسمبلی میں اعتماد کی تحریک پیش کی تھی اور انہوں نے اسمبلی میں اعتماد کا ووٹ حاصل کر لیا ہے۔


اب دیکھنا یہ ہے کہ جھارکنڈ میں سیاسی اونٹ کس کروٹ بیٹھتا ہے اور اس بند لفافے میں کیا نکلتا ہے، لیکن آج اعتماد کا ووٹ حاصل کرنے کے بعد وزیر اعلی ہیمنت سورین کا ہاتھ سیاسی طور پر اوپر ہو گیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔