خاتون کے ساتھ جنسی تعلقات کے الزام میں کمال خان گرفتار: پولیس

پولیس رپورٹ کے مطابق، کمال خان نے مبینہ طور پر متاثرہ کے ساتھ جنسی تعلق قائم کرنے کی کوشش کی اور جنوری 2019 کے پہلے ہفتے میں شکایت کنندہ کا ہاتھ پکڑ لیا تھا۔

اداکار کمال راشد خان، تصویر آئی اے این ایس
اداکار کمال راشد خان، تصویر آئی اے این ایس
user

یو این آئی

ممبئی: بالی ووڈ کے مشہور اداکار کمال راشید خان (کے آر کے) کو ممبئی پولیس نے ایک خاتون کے ساتھ جنسی تعلقات کے الزام میں گرفتار کر لیا ہے۔ یہ کیس تین سال پرانا ہے۔ بگ باس ہاؤس میٹ کے سابق ساتھی کے کے آر (47) جو اس سے پہلے سے ہی 2020 تک اپنے متنازعہ ٹوئٹس کے لیے عدالتی تحویل میں تھے۔ کے کے آر کو ورسووا پولیس نے تلوجا جیل سے اپنی تحویل میں لے لیا ہے۔ ورسووا پولیس نے انہیں بوریولی میں 24 ویں ایم ایم کورٹ سے اجازت ملنے کے بعد اپنی تحویل میں لے لیا ہے۔

پولیس رپورٹ کے مطابق، کمال خان نے مبینہ طور پر متاثرہ کے ساتھ جنسی تعلق قائم کرنے کی کوشش کی اور جنوری 2019 کے پہلے ہفتے میں شکایت کنندہ کا ہاتھ پکڑ لیا تھا۔ واضح رہے کہ اداکار کو پہلی بار 29 اگست کو 2020 سے پہلے کی ٹوئٹس کے لیے گرفتار کیا گیا تھا۔ ایک دن بعد باندرہ مجسٹریٹ کورٹ نے انہیں چار دن کی پولیس حراست میں بھیجنے سے انکار کر تے ہوئے 14 دن کی عدالتی حراست میں بھیجنے دیا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔