چاند پر ہونے والی ہے شام، پھر ہوگی سرد رات، کیا اس سے پہلے بیدار ہو پائیں گے وکرم اور پرگیان؟

23 اگست کو اِسرو کا چندریان-3 چاند کے جنوبی قطب پر اترا تھا اور اس کے بعد وکرم اور پرگیان نے چاند سے متعلق کئی طرح کی تفصیلات اِسرو کے پاس بھیجیں، لیکن سرد رات گزرنے کے بعد سے دونوں غیر فعال ہیں۔

تصویر سوشل میڈیا
تصویر سوشل میڈیا
user

قومی آوازبیورو

چندریان-3 بھلے ہی کامیابی کے ساتھ اپنا مشن مکمل کر چکا ہے، لیکن اِسرو کے سائنسداں اس کوشش میں مصروف ہیں کہ ایک بار پھر وکرم لینڈر اور پرگیان رووَر بیدار ہو تاکہ چاند کے بارے میں کچھ نئی جانکاریاں بھی حاصل کی جا سکیں۔ حالانکہ لگاتار بھیجے جا رہے سگنل کا کوئی جواب وکرم اور پرگیان سے حاصل نہیں ہو رہا ہے۔ اب تو چاند شام بھی ہونے والی ہے، اور پھر اس کے بعد سرد رات ہوگی۔ یعنی 6-5 دنوں بعد تو ویسے بھی وکرم اور پرگیان کے جاگنے کی امید ختم ہو جائے گی۔

اِسرو کے سائنسدانوں نے اب تک جو جانکاری دی ہے اس کے مطابق چندریان-3 کے لینڈر وکرم اور رووَر پرگیان سے کسی طرح کا کوئی اشارہ نہیں مل رہا ہے۔ گزشتہ 21 ستمبر کو چاند کے جنوبی قطب پر سورج کی روشنی پڑنی شروع ہوئی اور اب تک 9 دن گزر چکے ہیں۔ اِسرو نے 22 ستمبر سے کئی بار سگنل بھیجا لیکن وکرم اور پرگیان کی طرف سے کوئی ریٹرن سگنل نہیں ملا۔ یہ کوشش اب بھی جاری ہے، لیکن ہر گزرتے دن کے ساتھ وکرم اور پرگیان کے فعال ہونے کی امیدیں بھی ختم ہوتی جا رہی ہیں۔


واضح رہے کہ 23 اگست 2023 کو اِسرو کا چندریان-3 چاند کے جنوبی قطب پر اترا تھا۔ لینڈر وکرم نے پنکھ کی طرف تیرتے ہوئے چاند کی زمین کو چھوا تھا اور اس کے بعد اس میں سے رووَر پرگیان چاند کی سطح پر اترا تھا۔ سائنسدانوں نے شروعاتی 15 دنوں کے لیے وکرم اور پرگیان میں بیٹری کی صلاحیت ڈالی تھی۔ اس دوران پرگیان اور وکرم اپنے کام کو امید کے مطابق انجام دیتے رہے۔ بیٹری کی صلاحیت جب ختم ہونے لگی تو سورج کی روشنی سے پرگیان اور وکرم کو مکمل چارج کر دونوں کو سلیپ موڈ میں ڈال دیا گیا تھا اور چاند پر رات گزرنے کا انتظار کیا جانے لگا۔ سائنسداں امید کر رہے تھے کہ جب چاند پر دوبارہ صبح ہوگی تو سورج کی روشنی سے وکرم اور پرگیان کا بیٹری چارج ہو جائے گا اور پھر دونوں نئی توانائی کے ساتھ کام کر سکیں گے۔ حالانکہ فی الحال یہ ممکن نہیں ہو سکا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;