’بابا رام دیو کورونا ٹیکہ کاری کو کر رہے بدنام، ملک سے غداری کا کیس ہو‘، آئی ایم اے نے پی ایم مودی کو لکھا خط

آئی ایم اے نے پی ایم مودی کو لکھے خط میں کہا کہ ’’ایک ویڈیو میں رام دیو نے دعویٰ کیا ہے کہ ٹیکے کی دونوں خوراک لینے کے بعد بھی 10 ہزار سے زیادہ ڈاکٹروں اور لاکھوں لوگوں کی موت ہوئی ہے۔‘‘

رام دیو / تصویر سوشل میڈیا
رام دیو / تصویر سوشل میڈیا
user

قومی آوازبیورو

کورونا وبا کے درمیان یوگا گرو رام دیو کے ذریعہ ایلوپیتھی علاج پر سوال اٹھانے سے پیدا تنازعہ اب وزیر اعظم نریندر مودی کے دربار تک پہنچ گیا ہے۔ انڈین میڈیکل ایسو سی ایشن (آئی ایم اے) نے پی ایم مودی کو ایک خط لکھ کر رام دیو پر کورونا ٹیکہ کاری کے بارے میں غلط باتیں پھیلانے کا الزام لگایا ہے اور ان پر ملک سے غداری کے تحت کیس درج کرتے ہوئے کارروائی کا مطالبہ کیا ہے۔

آئی ایم اے نے بدھ کو وزیر اعظم نریندر کو یہ خط لکھا ہے جس میں کہا ہے کہ پتنجلی کے مالک رام دیو کی جانب سے ٹیکہ کاری کو لے کر پھیلائی جا رہی غلط جانکاریوں کے پھیلاؤ کو روکا جانا چاہیے۔ آئی ایم اے نے کہا کہ ایک ویڈیو میں رام دیو نے دعویٰ کیا ہے کہ ٹیکے کی دونوں خوراک لینے کے بعد بھی 10 ہزار سے زیادہ ڈاکٹرس اور لاکھوں لوگوں کی موت ہوئی ہے۔


آئی ایم اے نے 26 مئی یعنی بدھ کے روز وزیر اعظم نریندر کو یہ خط لکھا ہے جس میں کہا ہے کہ پتنجلی کے مالک رام دیو کی جانب سے ٹیکہ کاری کو لے کر پھیلائی جا رہی غلط معلومات کے پھیلاؤ کو روکا جانا چاہیے۔ آئی ایم اے نے کہا کہ ایک ویڈیو میں رام دیو نے دعویٰ کیا ہے کہ ٹیکے کی دونوں خوراک لینے کے بعد بھی 10 ہزار سے زیادہ ڈاکٹروں اور لاکھوں لوگوں کی موت ہوئی ہے۔ آئی ایم اے نے اسے ٹیکہ کاری کو بدنام کرنے والا قدم بتاتے ہوئے رام دیو پر ملک سے غداری کا معاملہ چلانے کا مطالبہ کیا ہے۔

اس سے قبل ایلوپیتھی علاج پر سوال اٹھاتے ہوئے رام دیو کی جانب سے 25 سوال جاری کیے جانے پر آئی ایم اے اتراکھنڈ نے انھیں قانونی نوٹس بھیجا ہے۔ آئی ایم اے نے کہا ہے کہ اگر رام دیو 15 دنوں کے اندر ایلوپیتھی علاج پر دیے گئے اپنے بیانات کے لیے معافی نہیں مانگیں گے تو ان کے خلاف ایک ہزار کروڑ روپے کا ہتک عزتی کا مقدمہ کیا جائے گا۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔