غازی آباد پہنچا حجاب تنازع ! ڈگری کالج میں حجاب کو لے کر طالبات نے کیا مظاہرہ

غازی آباد کے ایک کالج میں حجاب پہن کر احتجاج کرنے والی کچھ طالبات کا ویڈیو سوشل میڈیا پر وائرل ہوا ہے۔ ویڈیو مودی نگر کے گِنی دیوی کالج کا بتایا جا رہا ہے۔ ذرائع کے مطابق کالج کے احاطے میں ٹیبلیٹ تقسیم کیے جا رہے تھے۔ طالبات کا الزام ہے کہ انہیں حجاب میں ٹیبلٹ لینے کی اجازت نہیں دی گئی۔ جس کے بعد وہ کالج کیمپس سے باہر آگئیں اور سڑک پر احتجاج کرتے ہوئے ہنگامہ کیا۔

غازی آباد پولیس نے بتایا کہ یہ واقعہ پیر کو پیش آیا اور سبھی طالبات کو مطمئن کرکے گھر واپس بھیج دیا گیا ہے۔ کالج انتظامیہ نے اس معاملے پر اپنا موقف واضح کرتے ہوئے کہا کہ طالبات کالج کے باہر کیا کر رہی ہیں، اس سے انہیں کوئی مطلب نہیں ہے۔

کالج انتظامیہ نے کہا کہ "ہم کالج کیمپس میں ٹیبلٹ تقسیم کر رہے تھے۔ تقریباً 69 ٹیبلٹس تقسیم کیے جانے تھے۔ کچھ طالبات نے یونیفارم نہیں پہنی ہوئی تھی۔ انہیں ڈریس کوڈ پر عمل کرنے کو کہا گیا جس سے وہ ناراض ہوگئیں۔ ہم چاہتے ہیں کہ وہ کالج کے اندر یونیفارم پہنیں۔ وہ کیمپس کے باہر کیا کر رہی ہیں، یہ ہمارا معاملہ نہیں ہے۔"