امریکہ جانے کا ارادہ رکھنے والے ہندوستانیوں کے لیے خوشخبری

11 لاکھ سے زیادہ ہندوستانیوں نے امریکہ جانے اور وہاں آباد ہونے کے لئے امریکی امیگریشن اور سٹیزن شپ پورٹل پر درخواست دی ہے

<div class="paragraphs"><p>علامتی تصویر</p></div>

علامتی تصویر

user

قومی آوازبیورو

نئی دہلی: امریکہ جانے کا ارادہ رکھنے والے ہندوستانیوں کے لیے خوشخبری ہے۔ امریکہ نے حال ہی میں ہندوستانی تارکین وطن کو ذہن میں رکھتے ہوئے امیگریشن سروسز یعنی امیگریشن کے عمل میں کچھ تبدیلیاں کی ہیں، جس سے گرین کارڈ کے منتظر ہزاروں ہندوستانیوں کو راحت ملے گی۔

رپورٹ کے مطابق امریکہ نے اعلان کیا ہے کہ وہ کچھ نان امیگرنٹ کیٹیگریز (بشمول گرین کارڈز کے منتظر افراد) کو پانچ سال کے لیے ایمپلائمنٹ اتھارٹی کارڈ فراہم کرے گا، جس سے وہاں رہنے والے لوگوں کو سہولت ملے گی۔ ہندوستان سے امریکہ جانا بہت سے نوجوانوں کا خواب ہوتا ہے۔ ہندوستان سے امریکہ جانے کے لیے انہیں بہت مشکل عمل سے گزرنا پڑتا ہے اور بہت سے اصول و ضوابط پر عمل کرنا پڑتا ہے۔


ایک بار جب آپ کو امریکی کمپنیوں سے نوکری کا آفر لیٹر مل جاتا ہے تو سب سے بڑا عمل گرین کارڈ حاصل کرنا ہوتا ہے۔ اس عمل میں لوگوں کو بہت سے ٹیسٹوں اور انٹرویوز سے گزرنا پڑتا ہے۔ اب تک امریکہ صرف تین سال کے لیے ایسے ویزے جاری کرتا تھا جس کی تین سال بعد تجدید کروانا پڑتی تھی لیکن اب یہ اصول بدل گیا ہے۔

امریکہ نے اس کی تعداد میں اضافہ کرتے ہوئے کہا ہے کہ اب یہ سہولت پورے عمل کے مکمل ہونے کے بعد پانچ سال تک دستیاب رہے گی۔ اس عمل پیش رفت سے امریکہ کے متعلقہ محکمہ کو بھی فائدہ ہوگا۔ انہیں ہر ماہ لاکھوں درخواستیں موصول ہوتی ہیں اور انہیں نمٹانے میں کافی وقت لگتا ہے۔ ایک رپورٹ کے مطابق اس اصول کے نفاذ سے ان کے کام کا بوجھ 20 فیصد تک کم ہو جائے گا۔


گرین کارڈ امریکی حکومت کا سرکاری رہائشی کارڈ ہے۔ امریکہ دنیا کے کئی ممالک کو عارضی تارکین وطن کارڈ جاری کرتا ہے۔ اس کارڈ کے ذریعے آپ کئی سال تک امریکہ میں رہ سکتے ہیں۔ 11 لاکھ لوگوں نے ہندوستان سے امریکہ یہ کارڈ حاصل کرنے کے لیے درخواست دی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


;