عیدالاضحی: سونیا گاندھی نے اپنے پیغام میں کہا- یہ قربانی اور بھائی چارے کے جذبے کا جشن ہے، راہل-پرینکا گاندھی نے بھی دی مبارکباد

ملک بھر میں آج بقرعید کا تہوار بھرپور طریقے سے منایا جا رہا ہے۔ عید الاضحی یا بقرعید اسلام کا دوسرا بڑا تہوار ہے۔ کانگریس صدر سونیٍا گاندھی نے عید کے موقع پر ہم وطنوں کو مبارکباد دی ہے۔ انہوں نے اپنے پیغام میں کہا کہ عیدالاضحیٰ کا تہوار قربانی اور بھائی چارے کے جذبے کا جشن ہے جو ہمیں بنی نوع انسان کی بہتری کے لیے تحریک دیتا ہے۔

وہیں کانگریس لیڈر راہل گاندھی نے عوام کو بقرعید کی مبارکباد دی۔ انہوں نے کہا کہ یہ مبارک موقع سب کے لیے اتحاد کا جذبہ پیدا کرے اور سب کے لیے امن اور خوشحالی لائے۔

کانگریس جنرل سکریٹری پرینکا گاندھی نے کہا کہ آپ سب کو عیدالاضحی مبارک ہو۔ قربانی اور نیکی کی علامت یہ تہوار آپ کی زندگی کو خوشیوں سے بھر دے۔