شیئر مارکیٹ میں زلزلہ، سنسیکس میں دو فیصد سے زیادہ کی گراوٹ
ابتدائی کاروبار میں سینسیکس 50028.67 پوائنٹس کے ساتھ اعلی ترین سطح پر پہنچا، لیکن اس کے بعد اس نے نیچے گرنا شروع کیا جس سے یہ 48638.62 پوائنٹس پر آگیا۔
ممبئی: ملک میں ایک لاکھ سے زائد کورونا کیسز پائے جانے اور کئی طرح کی پابندیاں لگائے جانے کے خدشات کے درمیان شیئر بازار میں کہر ام مچ گیا، جس سے دونوں اہم انڈیکس میں ڈھائی فیصد سے زیادہ کی گراوٹ آئی ہے۔ بی ایس ای کا 30 حصص پر مشتمل انڈیکس ابتدائی کاروبار میں میں نو پوائنٹس کی معمولی گراوٹ کے ساتھ 50020.91 پر کھلا، لیکن پھر دیکھتے ہی دیکھتے یہ تقریباً 1500 پوائنٹس کی گراوٹ سے 48638.62 پر آگیا۔
یہ بھی پڑھیں : رافیل لڑاکو جہاز سودے میں بدعنوانی کا جن پھر باہر
ابتدائی کاروبار میں سینسیکس 50028.67 پوائنٹس کے ساتھ اعلی ترین سطح پر پہنچا، لیکن اس کے بعد اس نے نیچے گرنا شروع کیا جس سے یہ 48638.62 پوائنٹس پر آگیا۔ فی الحال سینسیکس 2.84 فیصد یعنی 1188.05 پوائنٹس کی گراوٹ کے ساتھ 48841.78 پر کاروبار کر رہا ہے۔
یہ بھی پڑھیں : کورونا سے نمٹنے کے لئے عوامی تحریک ضروری: مودی
نیشنل اسٹاک ایکسچینج (این ایس ای) کا نفٹی بھی 30 پوائنٹس کی گراوٹ سے 14837.70 پر کھلا۔ شروع میں یہ 14849.85 پوائنٹس کی اعلی ترین سطح پر چلا گیا لیکن اس کے بعد فروخت کا دباؤ شروع ہوکر 14479.30 پوائنٹس کی کم ترین سطح پر پہنچ گیا۔ فی الحال یہ 323.10 پوائنٹس یعنی 2.17 کی گراوٹ سے 25. 14544 پر کاروبار کر رہا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔