اسرائیلی سفارتخانہ: دھماکہ کی جگہ سے ملے لیٹر میں اس دھماکے کو ’ٹریلر‘ بتایا

اے بی پی نیوز پر شائع خبر کے مطابق دہلی پولیس کی اسپیشل سیل کی ٹیم نے آج صبح اسرائیلی سفارتخانہ کے پاس اس جگہ کا دورہ کیا جہاں کل دھماکہ ہوا تھا۔ ٹیم دھماکہ کی جانچ کر رہی ہے اور اس سے متعلق ثبوت جمع کر رہی ہے۔ اے بی پی پر شائع خبر کے مطابق کہا گیا ہے کہ ذرائع کے مطابق جانچ کے دوران پولیس کو ایک لیٹر ملا ہے اور اس لیٹر میں کہا گیا ہے کہ یہ ایک ’ٹریلر‘ تھا۔ واضح رہے اس لیٹر میں دو ایرانیوں کے قتل کا بھی ذکر کیا گیا ہے۔

شائع خبر کے مطابق دہلی پولیس اور جانچ ایجنسیاں کئی جگہ پر جانچ کے لئے جا رہی ہے۔ حال ہی میں تہران کے قریب ایران کے ایک بڑے نیوکلیر سائنسٹسٹ کا قتل ہوا تھا اور ایران نے اس کے لئے اسرائیل کو ذمہ دار ٹھہرایا تھا۔ یہ قتل 30 نومبر 2020 کو ہوا تھا اور اس کے لئے ایرانی صدر نے سیدھے طور پر اسرائیل کو ذمہ دار ٹھہرایا تھا۔ اس دوران دہلی کے وزیر خارجہ جے شنکر نے اپنے اسرائیلی ہم منصب سے بات کی اور اسرائیلی سفارتخانہ کے تمام اسٹاف کو پوری حفاظت پہنچانے کی یقین دہانی کرائی ہے۔