اقلیتی کانگریس نے دہلی میں اتاری نئی ٹیم، چھ اضلاع کے سربراہان کی تقرری

بلال احمد کو بدرپور، ہربنس سنگھ کو تلک نگر سمیت 6 اضلاع کے چیئرمین کی تقرری

تصویر سوشل میڈیا
تصویر سوشل میڈیا
user

قومی آوازبیورو

نئی دہلی:دہلی پردیش کانگریس کمیٹی اقلیتی شعبہ جو گذشتہ کافی دنوں سے تعطل کا شکار تھا اب کانگریس پارٹی نے اس تعطل کو ختم کر کے نئی ٹیم کا اعلان کیا ہے۔ دہلی میں آئندہ اسمبلی انتخابات کے پیش نظر، انڈین نیشنل کانگریس نے دہلی اقلیتی کانگریس کی نئی ٹیم کا اعلان کرتے ہوئے چھ اضلاع کے چیئرمین کی تقرری کر دی ہے۔ضلع بدر پور سے تعلق رکھنے والے کانگریس پارٹی کے سینئر رہنما اور سابق ضلع اقلیتی کانگریس کے چیئرمین بلال احمد کو ایک بار پھر ان کے عہدے پر بحال کردیا گیا ہے۔جس سے مقامی کارکنوں اور لوگوں میں خوشی کا ماحول ہے۔

اقلیتی کانگریس نے دہلی میں اتاری نئی ٹیم، چھ اضلاع کے سربراہان کی تقرری

انصار کو پٹ پڑ گنج ڈسٹرکٹ کانگریس کمیٹی اقلیتی محکمہ کی ذمہ داری دی گئی ہے، جبکہ سید قمرالدین کو نجف گڑھ شاد خان کو کیرای، ذاکرکو کراول نگر اور ہربنس سنگھ کو تلک نگر کی ذمہ داری دی گئی ہے۔ اس حوالہ سے بات کرتے ہوئے ہوئے دہلی اقلیتی کانگریس کی انچارج حنظلہ عثمانی نے کہا کہ ہم توقع کرتے ہیں کہ نئی ٹیم اسمبلی انتخابات میں پوری طاقت کے ساتھ کام کرے گی اور پارٹی کو جتانے کے لئے ہر ممکن کوشش کرے گی۔


انہوں نے کہا کہ یہ کانگریس کی کوشش ہے کہ کارکنان ہر لمحہ عوام سے جڑیں اور عوام سے بات چیت کریں اور ان کے معاملات کو لوگوں تک پہنچائیں اور حکومتوں کو ان ایشوز کے سامنے جھکنے پر مجبور کریں۔ انہوں نے کہا کہ کانگریس پارٹی نے ہمیشہ عوام کے لئے کام کیا ہے اور ہماری ٹیم عوام کے لئے وقف ہے۔

درں اثنا، بلال احمد نے کہا کہ ہم پارٹی صدر سونیا گاندھی اپنے لیڈر راہل گاندھی اور پرینکاگاندھی کے ساتھ اپنے صدر ندیم جاوید اور انچارج حنظلہ عثمانی کے شکر گذار ہیں کہ انہوں نے ہمیں کام کرنے کا موقع دیا۔ انہوں نے کہا کہ میں اس سے قبل بھی ضلع کا چیئرمین تھا اور اس بار بھی جب مجھے موقع ملا ہے تو پرمارمنس میری پہلی ترجیح ہوگی۔

انہوں نے کہا کہ ہم نے ہمیشہ پارٹی کو ایک نئی بلندیوں پر لے جانے کی کوشش کی ہے اور اس میں عوام کا تعاون ہمارے لئے سب سے قیمتی ہے۔ انہوں نے کہا کہ ہم عوام کے ساتھ مل کر عوام کے مسائل اٹھائیں گے اور ہم عوام کی خدمت کے لئے پرعزم ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔