’کسی بھی حال میں نہیں بچنا چاہیے زانی‘، غازی پور اجتماعی عصمت دری معاملہ میں دہلی خاتون کمیشن نے پولیس کو بھیجا نوٹس

غازی پور اجتماعی عصمت دری معاملہ میں دہلی خاتون کمیشن کا کہنا ہے کہ ایک لڑکی کے ساتھ آٹو والے اور اس کے ساتھی نے جس طرح زنا کیا اور سڑک پر لہولہان چھوڑ دیا، وہ ناقابل فراموش ہے۔

تصویر آئی اے این ایس
تصویر آئی اے این ایس
user

قومی آوازبیورو

مشرقی دہلی کے غازی پور میں بدھ کی دیر شب 35 سالہ خاتون کا مبینہ طور پر دو لوگوں نے اغوا کر اجتماعی عصمت دری معاملے میں دہلی خاتون کمیشن نے سرگرمی دکھاتے ہوئے دہلی پولیس کو نوٹس جاری کیا ہے اور 29 مارچ تک جواب طلب کیا ہے۔ کمیشن نے دہلی پولیس سے ایف آئی آر کی کاپی اور اس واقعہ میں ملزمین کی گرفتاری کی جانکاری کے بارے میں پوچھا ہے۔ پولیس کے ذریعہ ملزمین کو گرفتار کرنے کے لیے اٹھائے جا رہے اقدام وغیرہ کے علاوہ معاملے سے جڑی تفصیلی رپورٹ بھی پیش کرنے کی ہدایت دی ہے۔

اس واقعہ سے متعلق دہلی خاتون کمیشن نے کہا کہ غازی پور میں ایک لڑکی کی آٹو والے اور اس کے ساتھی نے بری طرح سے عصمت دری کی اور اس کو سڑک پر لہولہان چھوڑ دیا۔ اس وقت وہ آئی سی یو میں ہے اور اس کی حالت سنگین ہے۔ میں نے دہلی پولیس کو نوٹس جاری کیا ہے تاکہ ملزمین جلد از جلد گرفتار ہوں۔ کسی بھی حال میں یہ زانی بچنے نہیں چاہئیں۔


دراصل متاثرہ خاتون غازی پور واقع پولٹری بازار کے گیٹ نمبر ایک کے پاس ملی اور سنگین طور سے زخمی تھی۔ متاثرہ کے منھ سے خون بہہ رہا تھا اور اس کے پرائیویٹ پارٹ میں بھی چوٹیں آئی ہیں۔ پولیس کو جیسے ہی واقعہ کی اطلاع ملی، متاثرہ کو علاج کے لیے صفدر جنگ اسپتال میں داخل کرایا گیا۔

پولیس کو متاثرہ کے ذریعہ جانکاری دی گئی ہے کہ بدھ کی شب تقریباً 9 بجے جب اس نے آٹو لیا تو دو نامعلوم آٹو رکشہ ڈرائیوروں کے ذریعہ اس کی پٹائی کی گئی اور اس کا جنسی استحصال کیا اور نوجوان اسے نامعلوم جگہ پر لے گئے۔ اس کے ساتھ مار پیٹ کی اور باری باری سے عصمت دری کی۔


پولیس نے فی الحال ملزمین کی گرفتاری کے لیے 5 ٹیموں کی تشکیل کی ہے۔ ساتھ ہی پولیس آس پاس لگے سی سی ٹی وی کیمروں کو بھی کھنگال رہی ہے اور غازی پور علاقے میں آٹو ڈرائیور، رکشہ ڈرائیوروں سے پوچھ تاچھ بھی کر رہی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔