کانگریس کو ملا نیا صدر، سونیا گاندھی نے ملکارجن کھڑگے کو سونپی پارٹی کی کمان، کہا- زمین سے جڑے لیڈر ہیں کھڑگے

ملکارجن کھڑگے کے کانگریس صدر کا عہدہ سنبھالنے کے موقع پر سونیا گاندھی نے کہا ’’نئے صدر ایک تجربہ کار اور زمین سے جڑے رہنما ہیں۔ وہ ایک عام کارکن سے اپنی محنت اور لگن سے اس بلندی تک پہنچے ہیں‘‘

سونیا گاندھی / ویڈیو گریب
سونیا گاندھی / ویڈیو گریب
user

قومی آوازبیورو

نئی دہلی: کانگریس کے نو منتخب صدر ملکارجن کھڑگے نے بدھ کے روز پارٹی کے سینئر لیڈروں بشمول سونیا گاندھی اور راہل گاندھی کی موجودگی میں عہدہ سنبھال لیا۔ ان کے عہدہ کی ذمہ داری سنبھالنے کے موقع پر کرناٹک کے تمام سینئر قائدین بشمول کارکنان پارٹی ہیڈکوارٹر میں موجود تھے۔

کانگریس کو ملا نیا صدر، سونیا گاندھی نے ملکارجن کھڑگے کو سونپی پارٹی کی کمان، کہا- زمین سے جڑے لیڈر ہیں کھڑگے

سونیا گاندھی نے ملکارجن کو کانگریس صدر کا عہدہ سنبھالنے سے پہلے منعقدہ پروگرام سے خطاب کرتے ہوئے کہا "سب سے پہلے، میں اپنے نئے پارٹی صدر ملکارجن کھڑگے کو دل سے مبارکباد پیش کرتی ہوں۔ میں بہت خوش ہوں اور بہت راحت محسوس کر رہی ہوں۔ سب سے زیادہ اطمینان کی بات یہ ہے کہ آپ نے جس صدر کو اپنی صوابدید پر منتخب کیا ہے وہ ایک تجربہ کار اور ڈاون ٹو ارتھ لیڈر ہیں جنہوں نے ایک عام کارکن کی طرح کام کیا ہے اور جو اپنی محنت اور لگن سے اس بلندی تک پہنچے ہیں۔‘‘


انہوں نے مزید کہا ’’مجھے یقین ہے کہ پوری پارٹی کو نئی تحریک ملے گی، ایک پیغام جائے گا اور ان کی قیادت میں کانگریس مضبوط تر ہوتی رہے گی۔ میں نے ابھی کہا کہ مجھے سکون ملا ہے، میں اس بات کو واضح کرنا چاہتی ہوں، مجھے اطمینان ہے کہ آپ نے اتنے سالوں سے مجھے جو محبت اور عزت دی ہے وہ میرے لیے فخر کی بات ہے۔ زندگی کی آخری سانس تک یہ احساس میرے ساتھ رہے گا لیکن یہ اعزاز بھی ایک بہت بڑی ذمہ داری تھی۔ میں نے اپنی قابلیت کے مطابق جتنا ہو سکا وہ کیا۔‘‘

قبل ازیں انہوں نے آزادی پسند اور دلت رہنما جگ جیون رام کو سمتا استھل پر خراج عقیدت پیش کیا جس میں راج گھاٹ پر مہاتما گاندھی، شانتی ون میں جواہر لال نہرو اور شکتی استھل پر اندرا گاندھی اور ویر بھومی پر راجیو گاندھی کو خراج عقیدت پیش کیا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔