ٹھنڈ سے ٹھٹھری دلیّ، اگلے 48 گھنٹوں کے لئے محکمہ موسمیات نے جاری کیا یلو الرٹ

محکمہ موسمیات کا ماننا ہے کہ اتراکھنڈ، جموں و کشمیر اور ہماچل پردیش کے کئی علاقوں میں برف باری ہو رہی ہے۔ اس کا براہ راست اثر میدانی علاقوں پر پڑ رہا ہے جس کی وجہ سے درجہ حرارت گر رہا ہے۔

سردی، تصویر یو این آئی
سردی، تصویر یو این آئی
user

قومی آوازبیورو

دہلی میں زبردست سردی ہو رہی ہے۔ دہلی میں آج (پیر) یعنی 20 دسمبر کی صبح کم سے کم درجہ حرارت 4.4 ڈگری سیلسیس ریکارڈ کیا گیا۔ محکمہ موسمیات کی پیش گوئی کے مطابق دہلی میں زیادہ سے زیادہ درجہ حرارت 19 ڈگری سیلسیس تک رہنے کا امکان ہے۔

محکمہ موسمیات نے قومی راجدھانی دہلی میں دن بھر ٹھنڈی ہوائیں چلنے کی پیش گوئی کی ہے۔ اس کے ساتھ ہی محکمہ موسمیات نے یلو الرٹ جاری کر دیا ہے۔ محکمہ موسمیات کا ماننا ہے کہ اتراکھنڈ، جموں و کشمیر اور ہماچل پردیش کے کئی علاقوں میں برف باری ہو رہی ہے۔ اس کا براہ راست اثر میدانی علاقوں پر پڑ رہا ہے جس کی وجہ سے درجہ حرارت گر رہا ہے۔


محکمہ موسمیات نے کہا ہے کہ گزشتہ تین دنوں سے پنجاب، ہریانہ، شمالی راجستھان سے تقریباً 10-15 کلومیٹر فی گھنٹہ کی رفتار سے شمال مغربی سمت سے خشک ہوائیں چل رہی ہیں اور زیادہ سے زیادہ درجہ حرارت معمول سے کم ریکارڈ کیا گیا ہے۔ ان علاقوں میں آئندہ تین روز تک سردی کی لہر میں اضافے کا امکان ہے اور اس کے بعد موسم بہتر ہو سکتا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔