تمل ناڈو اسمبلی انتخابات: 50 نشستوں کے مطالبے پر بی جے پی پیچھے ہٹنے کے لئے تیار نہیں
این ڈی اے میں دوبارہ شمولیت کے بعد اے آئی اے ڈی ایم کے تمل ناڈو میں اتحاد کی قیادت کر رہی ہے اور پارٹی کے جنرل سیکریٹری ای کے پلانی سوامی کو وزیر اعلیٰ کے عہدے کے لیے چہرہ قرار دیا گیا ہے۔
تمل ناڈو اسمبلی انتخابات سے قبل قومی جمہوری اتحاد (این ڈی اے) میں نشستوں کی تقسیم کو لے کر غیر یقینی صورتحال برقرار ہے۔ اتحاد کی بڑی پارٹی اے آئی اے ڈی ایم کے کی قیادت والے این ڈی اے میں بھارتیہ جنتا پارٹی کی جانب سے 50 نشستوں کے مطالبے نے اتحاد کی قیادت کو مشکل میں ڈال دیا ہے، جس کے باعث اب تک نشستوں کی تقسیم کے معاہدے کو حتمی شکل نہیں دی جا سکی۔
این ڈی اے میں دوبارہ شمولیت کے بعد اے آئی اے ڈی ایم کے تمل ناڈو میں اتحاد کی قیادت کر رہی ہے اور پارٹی کے جنرل سیکریٹری ای کے پلانی سوامی کو وزیر اعلیٰ کے عہدے کے لیے چہرہ قرار دیا گیا ہے۔ پی ایم کے کے ڈاکٹر انبومنی رام داس گروپ کی واپسی کے باوجود اتحاد کو مضبوط بنانے کی کوششیں جاری ہیں۔
اے آئی اے ڈی ایم کے کے سابق وزیر ایس پی ویلُمَنی نے حالیہ تمل ناڈو دورے کے دوران مرکزی وزیر داخلہ امت شاہ سے دو مرتبہ ملاقات کی، جبکہ مسٹر پلانی سوامی بھی دہلی جا کر بی جے پی کے سینئر رہنما سے ملے، تاہم اس کے باوجود تعطل برقرار ہے۔ بتایا جا رہا ہے کہ امت شاہ بی جے پی کے مطالبے سے پیچھے ہٹنے کو تیار نہیں ہیں۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔