بہار اسمبلی انتخابات: مہاگٹھ بندھن کی حریف سی پی آئی ایم ایل نے جاری کی امیدواروں کی فہرست

پٹنہ: بہار میں مہا گٹھ بندھن کی حلیف سی پی آئی ایم ایل نے تینوں مرحلہ کے اسمبلی انتخاب کیلئے اپنے کوٹے کی سبھی 19 سیٹوں پر امیدواروں کے ناموں کا اعلان آج کر دیا۔ سی پی آئی- ایم ایل کے قومی جنرل سکریٹری دیپانکر بھٹاچاریہ نے پارٹی کے ریاستی سکریٹری کنال، دھریندر جھا، آل انڈیا کسان مہا سبھا کے جنرل سکریٹری راجارام سنگھ اور دیگر لیڈران کی موجودگی میں پیر کو پریس کانفرنس میں اپنے کوٹے کی سبھی 19 سیٹوں پر امیدواروں کے ناموں کا اعلان کیا۔ انہوں نے بتایاکہ 28 اکتوبر کو ہونے والے پہلے مرحلہ میں پارٹی آٹھ سیٹوں پر انتخاب لڑے گی۔

دیپانکر بھٹاچاریہ نے بتایاکہ پہلے مرحلہ کی آٹھ سیٹوں میں پالی گنج اسمبلی حلقہ سے سندیپ سوربھ، آرہ سے قیام الدین انصاری، اگیاﺅں (محفوظ) سے منوج منزل، تراری سے سداما پرساد، ڈمراﺅں سے اجیت کمار سنگھ، کاراکاٹ سے ارون سنگھ، ارول سے مہا نند پرساد اور گھوسی سے رام بلی سنگھ یادو کو پارٹی نے اپنا امیدوار بنایا ہے۔

سی پی آئی ایم ایل کے جنرل سکریٹری نے کہاکہ دوسرے مرحلہ کے انتخاب میں پارٹی چھ سیٹوں پر انتخاب لڑے گی۔ ان میں بھورے (محفوظ) سے جتندر پاسوان، زیرہ دئی سے امرجیت کشواہا، درولی (محفوظ) سے موجودہ رکن اسمبلی ستیہ دیور ام، دروندا سے امرناتھ یادو، دیگھا سے ششی یادو اور پھلواری (محفوظ) سے گوپال روی داس پارٹی کی جانب سے میدان میں ہیں۔

اسی طرح تیسرے مرحلہ کیلئے پارٹی بقیہ پانچ سیٹوں پر اپنے امیدوار اتارے گی۔ ان میں سکٹا اسمبلی حلقہ سے ویریندر پرساد گپتا، اورائی سے آفتاب عالم، بلرام پور سے موجودہ رکن اسمبلی محبوب عالم، کلیانپور (محفوظ) رنجیت رام اور وارث نگر سے پھول بابو سنگھ کو امیدوار بنایا گیا ہے۔

غور طلب ہے کہ اسمبلی انتخاب کیلئے مہا گٹھ بندھن نے سنیچر کو حلیف جماعتوں کی سیٹوں کا اعلان کر دیا تھا۔ اس کے تحت آرجے ڈی کو 144، کانگریس کو 70 اور بایاں محاذ کو 29 سیٹیں دی گئی ہیں۔ بایاں محاذ کی کل سیٹوں میں سے 19 سیٹ پر سی پی آئی۔ ایم ایل، چھ سیٹ پر سی پی آئی اور چار سیٹ پر سی پی آئی۔ ایم کے امیدوار انتخاب لڑیں گے۔

بہار میں تین مرحلوں میں ہونے والے اسمبلی انتخاب میں پہلے مرحلہ کا نوٹیفکیشن جاری ہوچکاہے۔ پہلے مرحلہ کی ووٹنگ 28 اکتوبر کو ہوگی وہیں دوسرے مرحلے کیلئے 03 نومبر اور تیسرے مرحلے کیلئے 07 نومبر کوووٹ ڈالے جائیںگے۔ دس نومبر کو ووٹوں کی گنتی کی جائے گی اور انتخابی عمل 12 نومبر تک پورا کرلیا جائے گا۔ بہار اسمبلی کی موجودہ مدت کار 29 نومبر 2020 کوختم ہورہی ہے۔