کشمیر: عید کے پیش نظر بازاروں میں گہماگہمی، تصویری جھلکیاں

دریں اثنا لوگوں کا الزام ہے کہ بازاروں میں گراں بازاری بام عرج پر ہے خاص کر اشیائے ضروریہ بشمول بھیڑ، بکروں کی قیمتیں آسمان سے باتیں کر رہی ہیں۔

عید الاضحی کے موقع پر سرینگر کے بازاروں کی رونق / یو این آئی
عید الاضحی کے موقع پر سرینگر کے بازاروں کی رونق / یو این آئی
user

یو این آئی

سری نگر: عید الاضحیٰ کے پیش نظر وادی کشمیر بالخصوص سری نگر میں جمعرات کو دوسرے دن بھی بازاروں میں گہماگہمی دیکھی گئی اور لوگوں کو مختلف چیزوں خاص کر اشیائے خورد ونوش اور کپڑوں کی خریداری میں مصروف دیکھا گیا۔

کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں
کشمیر: عید کے پیش نظر بازاروں میں گہماگہمی، تصویری جھلکیاں

دریں اثنا لوگوں کا الزام ہے کہ بازاروں میں گراں بازاری بام عرج پر ہے خاص کر اشیائے ضروریہ بشمول بھیڑ، بکروں کی قیمتیں آسمان سے باتیں کر رہی ہیں۔ بتادیں کہ عید کے پیش نظر انتظامیہ نے لاک ڈاؤن میں نرمی کی ہے تاکہ لوگ عید کا تہوار منانے کے لئے ضروری چیزیں خرید سکیں۔


یو این آئی کے ایک نامہ نگار نے سری نگر کے بعض علاقوں کا دورہ کرنے کے بعد بتایا کہ بازاروں میں دکانیں کھلی ہیں اور لوگ مختلف چیزوں خاص کر اشیائے خوردنی اور ملبوسات کی خریداری میں مصروف تھے۔ انہوں نے کہا کہ بیکری، ریڈی میڈ ملبوسات دکانوں، مرغ وگوشت فروشوں کے دکانوں کے سامنے لوگوں کی بھیڑ کچھ زیادہ ہی تھی۔

موصوف نامہ نگار نے کہا کہ سرکاری حکمنامے کے مطابق سری نگر کے بازاروں میں دکانیں نو بجے صبح سے چھ بجے شام تک ہی کھلی رہنے کی اجازت ہے۔ انہوں نے کہا کہ سڑکوں پر پبلک ٹرانسپورٹ مسلسل بند ہے تاہم نجی گاڑیوں کی نقل وحمل برابر جاری وساری ہے بلکہ ٹریفک جام کا سبب بھی بن جاتی ہیں۔


نامہ نگار نے بتایا کہ سبزیاں مقررہ قیمت پر ہی دستیاب تھیں تاہم مٹر سو روپے فی کلو فروخت کی جا رہی تھی۔ دریں اثنا وادی کے دیگر اضلاع سے بھی اطلاعات ہیں کہ بازاروں میں لوگوں کی چہل پہل سے رونق لوٹ آئی ہے اور لوگ عید خریداری میں مصروف دیکھے گئے۔

وسطی ضلع بڈگام میں جمعرات کو بھی دکانیں کھلی رہیں، تاہم دکانداروں کا کہنا ہے شام سات بجے سے قبل انہیں دکانیں بند کرنے کو کہا جاتا ہے۔ انہوں نے کہا کہ جس دکاندار کو دکان بند کرنے میں ذرا سی تاخیر ہوجاتی ہے تو پولیس اس کو ڈنڈوں کے ذریعہ دکان بند کرا دیتی ہے۔


قابل ذکر ہے کہ وادی میں کورونا کے متاثرین و متوفین کی تعداد میں آئے روز درج ہو رہے ہوش ربا اضافے کے پیش نظر انتظامیہ نے ایک بار پھر لاک ڈاؤن عائد کیا ہے تاہم عید کے پیش نظر لاک ڈاؤن میں نرمی کی گئی ہے تاکہ لوگ عید کے لئے ضروری خریداری کر سکیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 30 Jul 2020, 6:11 PM