سعودی مملکت کورونا کے باوجود حج کو بہ حفاظت مکمل کرنے کے لیے پُرعزم: مفتی اعظم

سعودی عرب کے مفتی اعظم اور سینئر علما کونسل کے چیئرمین الشیخ عبدالعزیز آل الشیخ نے حکومتی اداروں کی جانب سے فریضہ حج کی ادائیگی کے حوالے سے حجاج کرام کی خدمت کے جذبے کو سراہا ہے

تصویر سوشل میڈیا
تصویر سوشل میڈیا
user

قومی آوازبیورو

سعودی عرب کے مفتی اعظم اور سینئر علما کونسل کے چیئرمین الشیخ عبدالعزیز آل الشیخ نے حکومتی اداروں کی جانب سے فریضہ حج کی ادائی کے حوالے سے حجاج کرام کی خدمت کے جذبے کو سراہا ہے۔ ان کا کہنا ہے کہ مملکت اور اس کے تمام ادارے کورونا وبا کے باوجود حج کو بہ حفاظت مکمل کرنے کا عزم کیے ہوئے ہیں۔

مفتی اعظم نے ریاستی اداروں کی جانب سے خادم الحرمین الشریفین شاہ سلمان بن عبدالعزیز اور ولی عہد شہزادہ محمد بن سلمان کی ہدایات کی روشنی میں حجاج کرام کو ہرممکن سہولت فراہم کرنے اور مناسک حج میں اللہ کے مہامنوں کی مدد کرنے کو سراہا۔

سعودی پریس ایجنسی 'ایس پی اے' کے مطابق رواں سال تمام حکومتی ادارے اپنی تمام توانائیاں حج کی بہ حفاظت تکمیل پر لگا رہے ہیں۔ سعودی حکومت اور اس کے تمام ادارے حجاج کرام کی حفاظت اور سلامتی کو یقینی بنانا چاہتے ہیں۔

مفتی اعظم نے حجاج کرام پر زور دیا کہ وہ کورونا وبا کی وجہ سے وزارت صحت کی طرف سے وضع کردہ حفاظتی پروٹوکول کو یقینی بنائیں اور صحت سے متعلق ہدایات پر سختی سے عمل درآمد کرکے خود بھی وبا سے بچیں اور دوسروں کو بھی بچائیں۔

(العربیہ ڈاٹ نیٹ)

Published: 30 Jul 2020, 4:58 PM
next