زندہ ہے البغدادی، دنیا بھر میں مچی کھلبلی، 5 سال بعد سامنے آیا ویڈیو

ابو بکر البغدادی، یہ وہ نام ہے جسے پوری دنیا میں دہشت گردانہ واقعات کے لیے جانا جاتا ہے۔ اسلامک اسٹیٹ (آئی ایس) کا سرغنہ البغدادی نہ صرف زندہ ہے بلکہ اس نے ایک ویڈیو جاری کیا ہے جس میں مبینہ طور پر وہ سری لنکا میں ہوئے دہشت گردانہ حملوں کا تذکرہ کر رہا ہے۔

اس سے قبل کہا جا رہا تھا کہ البغدادی امریکی فوج کے حملے میں مارا جا چکا ہے۔ اس سے قبل البغدادی کو سال 2014 میں موسل میں دیکھا گیا تھا۔ اس کے بعد سے اس کی کوئی خبر نہیں ملی تھی۔ حالانکہ ابھی یہ صاف نہیں ہے کہ البغدادی کا یہ ویڈیو کہاں کا ہے اور کب ریکارڈ کیا گیا ہے۔

عرب میڈیا کے مطابق اس ویڈیو میں وہ 19 اپریل کو سری لنکا میں ہوئے حملوں کا ذکر کرتے ہوئے کہہ رہا ہے کہ سری لنکا میں جو خود کش حملے ہوئے تھے وہ باگوس (سیریا) حملے کے بدلے میں کیا گیا حملہ تھا۔ ایک گدی پر بیٹھے اور تین لوگوں کو خطاب کرتے ہوئے البغدادی نے کہا ’’باگوس کی لڑائی ختم ہو گئی ہے۔‘‘ ویڈیو میں ان تینوں اشخاص کے چہرے دھندلے کیے ہوئے ہیں۔

اس ویڈیو میں البغدادی کالے اور خاکی رنگ کے کپڑوں میں ہے اور اس کے برابر میں ایک آٹومیٹک بندوق رکھی ہے۔ اس ویڈیو کو الفرقان میڈیا نے پیر کی شام جاری کیا۔