کوٹہ میں پھر ایک خواب نے توڑا دَم، نیٹ کی تیاری کر رہی طالبہ نے کی خودکشی

سومیا کوٹہ کے مہاویر علاقے میں رہ کر نیٹ کی تیاری کر رہی تھی، وہ گزشتہ کچھ دنوں سے کسی کا بھی فون نہیں اٹھا رہی تھی، مبینہ طور پر اس نے ذہنی تناؤ کی وجہ سے اپنے کمرے میں پھانسی لگا کر خودکشی کر لی۔

موت، علامتی تصویر
موت، علامتی تصویر
user

قومی آوازبیورو

ہندوستان میں کوچنگ ہَب کے نام سے مشہور راجستھان کے کوٹہ میں مختلف مقابلہ جاتی امتحان کی تیاری کر رہے طلبا کی خودکشی کرنے کا سلسلہ تھمنے کا نام نہیں لے رہا ہے۔ ایک بار پھر خودکشی کا واقعہ سامنے آیا ہے اور اس مرتبہ اتر پردیش کے لکھنؤ کی رہنے والی سومیا نے خوفناک قدم اٹھاتے ہوئے موت کو گلے لگا لیا۔

سومیا کوٹہ میں رہ کر نیٹ کی تیاری کر رہی تھی، لیکن مبینہ طور پر اس نے ذہنی تناؤ کی وجہ سے خودکشی جیسا قدم اٹھا لیا۔ میڈیا رپورٹس کے مطابق سومیا نے اپنے کمرے میں پھانسی لگا کر خودکشی کی ہے۔ سومیہ کوٹہ کے مہاویر علاقے میں رہ کر نیٹ کی تیاری کر رہی تھی۔ وہ گزشتہ کچھ دنوں سے کسی کا بھی فون نہیں اٹھا رہی تھی۔


طالبہ کے ذریعہ خودکشی کیے جانے کی اطلاع ملنے کے بعد پولیس موقع پر پہنچی اور لاش کو ضبط کر مردہ گھر میں رکھوا دیا۔ پولیس نے گھر والوں کو اس حادثہ کی جانکاری دے دی ہے۔ پولیس کا کہنا ہے کہ خودکشی کی وجہ کے بارے میں پتہ کرنے کی کوشش ہو رہی ہے۔

کوٹہ ایس پی امرتا دُہن نے ایک بیان میں کہا کہ ’’کوٹہ سی ٹی سے خبر ملی کہ ایک بچی نے خودکشی کر لی ہے، جس کے بعد پولیس کی ٹیم فوراً موقع پر پہنچی اور ایف ایس ایل ٹیم کو بھی موقع پر بھیجا گیا۔ گھر والوں کو بھی معاملے کی جانکاری دی گئی ہے۔ بچی اتر پردیش کی رہنے والی تھی۔ 2023 میں کوٹہ میں پڑھائی کرنے کے لیے آئی تھی۔‘‘ ایک دن قبل ہی اتر پردیش کے ہی رہنے والے ایک طالب علم نے پنکھے سے لٹک کر خودکشی کر لی تھی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔