یوپی میں بلدیاتی انتخابات اپنے نشان پر لڑے گی عام آدمی پارٹی: سنجے سنگھ

سنجے سنگھ نے کہا کہ ریاست میں بوتھ اور وارڈ سطح پر پارٹی کا تنظیمی ڈھانچہ کھڑا ہوچکا ہے۔ ریاست کے بلدیاتی انتخابات میں پارٹی سبھی سیٹوں پر مضبوطی کے ساتھ اپنے امیدوار میدان میں اتارے گی۔

سنجے سنگھ، تصویر یو این آئی
سنجے سنگھ، تصویر یو این آئی
user

یو این آئی

بلندشہر: عام آدمی پارٹی کے راجیہ سبھا رکن و اترپردیش کے پارٹی کے انچارج سنجے سنگھ نے آج یہاں کہا کہ ریاست کے بلدیاتی انتخابات میں پارٹی اپنے نشان پر انتخابی میدان میں اترے گی۔ بلدیاتی انتخابات کی تیاریوں کے سلسلے میں بلند شہر میں پہنچے عام آدمی پارٹی لیڈر نے کارکنوں کے ساتھ میٹنگ کے بعد پریس کانفرنس سے خطاب کرتے ہوئے کہا کہ ریاست میں پارٹی کو مضبوط کیا جا رہا ہے بوتھ اور وارڈ سطح پر پارٹی کا تنظیمی ڈھانچہ کھڑا ہوچکا ہے۔ ریاست کے بلدیاتی انتخابات میں پارٹی سبھی سیٹوں پر مضبوطی کے ساتھ اپنے امیدوار میدان میں اتارے گی۔

یہ پوچھے جانے پر آیا پارٹی بلدیاتی انتخابات تنہا یا کسی کے ساتھ اتحاد کر کے لڑے گی کے سوال پر سنجے سنگھ نے کہا کہ پارٹی اپنے دم پر انتخابی میدان میں اترے گی۔ انہوں نے ملک کی مودی اور ریاست کی یوگی حکومت پر جم کر نشانہ سادھا اور دونوں حکومتوں کو گاؤں کسان، مزدور ملازمین چھوٹے کاروباری مخالف قرار دے۔ انہوں نے دہلی کے ایجوکیشن ماڈل کا ذکر کرتے ہوئے کہا کہ دہلی کی کیجریوال سرکار نے دہلی کے باشندوں کو بہتر طبی خدمات اور طلبہ و طالبات کو تعلیم کی سہولیات دستیاب کرائی ہے۔ دہلی کے ایجوکیشن ماڈل کی دھوم نہ صرف ہندوستان بلکہ پوری دنیا میں ہے۔


عاپ رکن پارلیمان نے کہا کہ دہلی حکومت نے سیلفی ود اسکول مہم چلاکر دوسری ریاستوں کی حکومتوں کو بھی اس ماڈل پر کام کرنے کا چیلنج دے رہی ہے۔ انہوں نے الزام لگایا کہ اترپردیش میں تعلیم کا حال بے حال ہے۔ اسکولوں کی یا تو عمارت نہیں ہے یا جہاں ہیں وہ خستہ حال ہیں۔طلبہ کے بیٹھنے کے لئے نہ تو چھت دستیاب ہے اور نہ ہی فرنیچر۔

راجیہ سبھا رکن نے ریاست میں نظم ونسق کے نام پر غنڈہ راج قائم کرنے کا الزام لگاتے ہوئے کہا کہ پولیس بے لگام ہے اور وہ غنڈے مافیاوں کے خلاف کارروائی نہ کر کے سیاستی پارٹیوں کے کارکنوں کو غنڈہ۔ مافیا بتا کر سیاسی انتقام کے جذبے سے کارروائی کر رہی ہے۔ گجرات اور ہماچل ریاست کے اسمبلی انتخابات کے مسئلے پر انہوں نے کہا کہ دونوں ریاست کی عوام عام آدمی پارٹی کی پالیسیوں اور دہلی میں کیجریوال حکومت کے کام کاج سے بیحد خوش ہیں جس کا نتیجہ رزلٹ آنے پر دکھائی دے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔