رمضان اسپیشل: سحری میں بنائیں ذائقہ دار ’اسپینش آملیٹ‘، بڑوں اور بچوں سبھی کو آئے گا پسند

رمضان المبارک کے مہینے میں خواتین کی بڑی آزمائش یہ ہوتی کہ سحری میں وہ کم وقت کے باوجود اپنے اہل خانہ کے لیے مزیدار پکوان تیار کریں۔ یہاں آج ہم آپ کے لیے بہت آسان اور مزیدار قسم کی ڈش ’اسپینش آملیٹ‘ لے کر آئے ہیں، جس کو بنانے کے لیے وقت بھی کم درکار ہوگا اور کھانے میں بہت ذائقہ دار بھی ہوگا۔ یقیناً یہ بڑوں اور بچوں سبھی کو پسند آنے والا پکوان ہے۔

اجزاء:

’اسپینش آملیٹ‘ کی آسان ترکیب ملاحظہ کیجئے۔ اس کو تیار کرنے کے لیے جو اجزاء درکار ہیں ان میں قیمہ ایک پاؤ، انڈے 4 عدد، پیاز (باریک کٹی ہوئی) ایک عدد، فرنچ بینز (چھوٹے کٹے ہوئے) 4 عدد، آلو (ابلے اور چھوٹے کٹے ہوئے) 2 عدد، کٹی ہوئی کالی مرچ ایک چھوٹا چمچہ، پنیر (کدوکش) 2 بڑے چمچے، بیسن آدھا چھوٹا چمچہ، دودھ آدھا کپ، نمک حسب ذائقہ، زیتون کا تیل ایک بڑا چمچہ، تیل ایک چھوٹا چمچہ۔

بنانے کا طریقہ:

انڈوں کی سفیدی اور زردی کو الگ کر لیں۔ سفیدی کو بیڑ کی مدد سے خوب پھینٹیں اور زردی کو الگ پھینٹ لیں۔ اس میں آلو، پیاز، فرنچ، بینز، بیسن اور دودھ ملا لیں۔ فرائنگ پین کو تیل سے چکنا کریں، پھر سفیدی پھیلائیں۔ اس پر زردی، زیتون کا تیل، پنیر، کالی مرچ اور نمک ملاکر چند منٹ تک پکائیں اور پلیٹ میں نکال لیں۔ ذائقہ دار آملیٹ تیار ہے۔