آئی پی ایل: لگاتار ناکامی سے پریشان ’سنرائزرس حیدر آباد‘ نے وارنر کو کپتانی سے ہٹایا

سنرائزرس حیدر آباد نے ایک بڑا قدم اٹھاتے ہوئے کپتان ڈیوڈ وارنر سے یہ ذمہ داری لے کر کین ولیمسن کو نیا کپتان مقرر کیا ہے۔ اب اگلے سبھی میچوں کے لیے حیدر آباد کے کپتان کین ولیمسن ہی ہوں گے۔

کین ولیمسن، تصویر آئی اے این ایس
کین ولیمسن، تصویر آئی اے این ایس
user

قومی آوازبیورو

آئی پی ایل کے درمیان میں سنرائزرس حیدر آباد نے ایک بڑی تبدیلی کا اعلان کیا ہے۔ مستقل کپتان ڈیوڈ وارنر کو ہٹاکر کین ولیمسن کو کپتانی سونپ دی گئی ہے۔ اب اگلے سبھی میچوں کے لیے حیدر آباد کے کپتان کین ولیمسن ہی ہوں گے۔ سنرائزرس حیدر آباد نے کین ولیمسن کو کپتان بنانے کی جانکاری ٹوئٹر پر دی۔

حیدرآباد نے ٹوئٹر پر لکھا ہے کہ ہم یہ اعلان کرنا چاہتے ہیں کہ کل ہونے والے میچ اور آئی پی ایل کے آئندہ سبھی میچوں کے لیے کین ولیمسن کپتان ہوں گے۔ ٹیم مینجمنٹ نے یہ بھی فیصلہ لیا ہے کہ وہ اوورسیز کامبنیشن کو کل راجستھان رائلز کے خلاف ہونے والے میچ کے لیے بدلیں گے۔


ڈیوڈ وارنر کے بارے میں حیدر آباد نے کہا کہ مینجمنٹ ان کی عزت کرتی ہے اور ان سالوں میں وارنر کا اثر بھی رہا ہے۔ بچے ہوئے میچوں میں وارنر میدان کے اندر اور باہر ٹیم کو سپورٹ کرتے رہیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔