راجستھان رائلز نے کیا آر سی بی کے خلاف ٹاس جیت کر فیلڈنگ کا انتخاب
آر سی بی کے کپتان وراٹ کوہلی نے کہا کہ اگر وہ ٹاس جیت بھی لیتے تو پہلے بلے بازی کا انتخاب کرتے۔ ٹیم میں واحد تبدیلی ڈیوڈ ولی ہے جو وین پارنیل کی جگہ آ رہے ہیں۔
تصویر آئی اے این ایس
بنگلورو: راجستھان رائلز کے کپتان سنجو سیمسن نے اتوار کو انڈین پریمیئر لیگ (آئی پی ایل) کے میچ میں ٹاس جیت کر میزبان رائل چیلنجرز بنگلور (آر سی بی) کو پہلے بلے بازی کی دعوت دی ہے۔ راجستھان نے اپنی پلیئنگ الیون میں کوئی تبدیلی نہیں کی ہے، آر سی بی نے وین پارنیل کی جگہ ڈیوڈ ولی کو شامل کیا ہے۔ سنجو نے کہا کہ ہماری ٹیم پہلے میدان میں اترنا پسند کرے گی۔ ہم نے اپنے باؤلنگ اٹیک میں کوئی تبدیلی نہیں کی ہے۔" اسی وقت آر سی بی کے کپتان وراٹ کوہلی نے کہا کہ اگر وہ ٹاس جیت بھی لیتے تو پہلے بلے بازی کا انتخاب کرتے۔ ٹیم میں واحد تبدیلی ڈیوڈ ولی ہے جو وین پارنیل کی جگہ آ رہے ہیں۔
یہ بھی پڑھیں : خرطوم اور دیگر شہروں میں انارکی، جگہ جگہ لوٹ مار
راجستھان چھ میں سے چار میچ جیتنے کے بعد آٹھ پوائنٹس کے ساتھ پوائنٹس ٹیبل پر سرفہرست ہے، جبکہ آر سی بی کی چھ میچوں کی جیت اور شکست برابر ہیں۔ رائلز لکھنؤ کے خلاف آخری میچ ہار گئی تھی، جب کہ 20 تاریخ کو کھیلے گئے آخری میچ میں آر سی بی پنجاب کنگز کو شکست دینے کے بعد یہاں آئی ہے۔
ٹیمیں درج ذیل ہیں:-
راجستھان رائلز: جوس بٹلر، یشسوی جیسوال، سنجو سیمسن (کپتان اور وکٹ کیپر)، دیودت پڈیکل، شمرون ہیٹمائر، دھرو جورل، روی چندرن اشون، جیسن ہولڈر، ٹرینٹ بولٹ، سندیپ شرما اور یوجویندر چہل۔
آر سی بی: وراٹ کوہلی (کپتان)، فاف ڈو پلیسس، مہیپال لومرور، گلین میکسویل، سویاش پربھو دیسائی، شہباز احمد، دنیش کارتک (وکٹ کیپر)، وینندو ہسرنگا، ڈیوڈ ولی، محمد سراج اور وجے کمار ویشاک۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔