کچھ بھی ہو، یہ لڑائی اب جاری رہے گی: بھکت چرن داس

یہ اس لیے ہوا کیونکہ جو ایشو ہمارے پاس تھا، وہ بہت بڑا تھا۔ ہماری پارٹی سے اسمبلی میں بہت زیادہ اراکین ہیں بھی نہیں۔ ایک ہی خاتون رکن اسمبلی ہیں صوفیہ فردوس۔ ہمارے اراکین اسمبلی میں خواتین کے تئیں جو احترام ہے، اور جو سمجھ ہے، وہ کام آئی۔ اڈیشہ میں یہ جو عصمت دری کے واقعات لگاتار ہو رہے ہیں، ایک دو نہیں... ہزاروں خواتین اور بچوں کے لاپتہ ہونے کے کیسز ہیں۔ ہم نے ان ایشوز کو پہلے دن سے اٹھایا۔ اڈیشہ کانگریس صدر کا عہدہ سنبھالتے ہی جب میں دہلی سے یہاں پہنچا تو پہلے دن سے ہی میں نے ایئرپورٹ سے پیدل سفر شروع کیا۔ بھونیشور ایئرپورٹ سے شروع ہوئی ’سنکلپ یاترا‘ 3 دنوں میں 67 کلومیٹر دور پوری تک پہنچی۔ اس میں 5000 لوگ ساتھ چل رہے تھے۔

شروع میں ہی میرے ہاتھ میں فریکچر ہو گیا تھا۔ بھیڑ زیادہ تھی، ہر کوئی مجھے گلدستہ دینا چاہتا تھا۔ میں اسی گہما گہمی میں گر گیا اور میرا دایاں ہاتھ ٹوٹ گیا۔ اس کے بعد بھی میں چلا۔ درد مٹانے والی دوا لے کر چلتا رہا، پورے 3 دنوں تک لچا۔ اس سے کارکنان میں جوش پیدا ہوا۔ پانچویں دن آپریشن ہوا، ابھی تک پوری طاقت نہیں آئی ہے۔ ہاتھ ابھی تک پورا اوپر نہیں اٹھ رہا۔ بہرحال، لوگوں کو بھروسہ ہوا کہ لڑائی اب ہر حال میں جاری رہے گی۔ اراکین اسمبلی سمیت سبھی لوگوں نے پوری طاقت سے کام شروع کر دیا۔

ہمارے سبھی اراکین اسمبلی معطل کر دیے گئے۔ اراکین اسمبلی نے وہیں اسمبلی میں ہی دھرنا دینا شروع کر دیا۔ رات کے 2 بجے انھیں وہاں سے اٹھا کر سڑک پر پھینک دیا گیا۔ اس سے اراکین اسمبلی اور پارٹی کے کارکنان مزید متحد ہو گئے۔ بی جے ڈی کو اس موقع پر جو کردار نبھانا چاہیے تھا، وہ انھوں نے نہیں نبھایا۔ ان کے 51 اراکین اسمبلی ہیں، لیکن وہ خاموش رہے۔

کیونکہ 24 سال کی حکومت میں خراب کارکردگی ان کے ساتھ ہے۔ وہ بی جے پی کے ساتھ ہی کھڑے دکھائی دیتے ہیں۔ خواتین کے ایشوز پر ابھی وہ تھوڑا فعال ہوئے ہیں۔ اگر صحیح معنوں میں وہ لوگ فعال ہوں گے تو اگلے اسمبلی اجلاس میں حکومت گر سکتی ہے، لیکن وہ نہیں گرنے دیں گے۔

وہ ریلی بہت کامیاب رہی۔ راہل جی کی ’بھارت جوڑو یاترا‘ اور اس کے بعد ان کی سرگرمی تھی ’آئین بچاؤ‘ سے متعلق، سماجی انصاف سے متعلق، اس کو ہم نے لوگوں کے پاس پہنچایا۔ اس پیغام کو چھوٹا چھوٹا کر کے کلپ بنا کر ہم نے لوگوں کے ساتھ شیئر کیا۔ کس طرح وہ خواتین سے، چھوٹے چھوٹے بچوں سے بات کر رہے تھے، کس طرح غریبوں، مزدوروں، چھوٹے دکانداروں یا ڈرائیور وغیرہ سے مل رہے تھے۔ اس سے عوام میں بہت جوش پیدا ہوا، وہ راہل گاندھی اور ملکارجن کھڑگے کو دیکھنا چاہتے تھے۔ اس وجہ سے کافی بھیڑ جمع ہوئی۔ ہم تقریباً 60 ہزار لوگوں کے آنے کی امید کر رہے تھے، لیکن بھیڑ سوا لاکھ سے زیادہ تھی۔ جتنے لوگ اندر تھے، اس کے دوگنے باہر تھے۔ راہل جی نے وہاں پر قبائلیوں، دلتوں، خواتین کے بارے میں اور اڈانی کے بارے میں جو کہا، اس کا لوگوں میں بڑا اثر دیکھنے کو ملا۔ ہم شروع سے ہی جانتے تھے کہ راہل جی نے ان سب معاملوں میں ابھی تک جو بھی کہا ہے، اسے ٹھیک سے نافذ کیا جائے اور لوگوں تک پہنچایا جائے تو مشکل حالات میں بھی پارٹی کو پھر سے کھڑا کیا جا سکتا ہے۔

زمین پر تنظیم مضبوط ہے تو یہ حمایت ووٹ میں بھی تبدیل ہوگی۔ ایک تو لہر ہونی چاہیے، اور راہل جی کا دورہ لہر جیسا ہی تھا۔ یہ جمع کی ہوئی بھیڑ نہیں تھی، لوگ خود ہی امنڈ پڑے تھے۔ ابھی تنظیم کو مضبوط بنانے کے لیے ہم لوگ بہت زیادہ زور دے رہے ہیں۔ پہلے کانگریس کے بارے میں لوگ سوچ نہیں رہے تھے، کانگریس کے بارے میں بات نہیں کر رہے تھے، آج کانگریس کے بارے میں پہلے سوچ رہے ہیں، پھر بی جے ڈی یا بی جے پی کے بارے میں سوچ رہے ہیں۔ اب کانگریس فعال ہے، تنظیم میں نئی جان آ گئی ہے۔ پہلے جو لوگ غیر فعال تھے، وہ فعال ہو چکے ہیں۔ جو فعال تھے، وہ بہت زیادہ فعال ہو گئے ہیں۔ لوگ دعویٰ کر رہے ہیں کہ ہم پرانے کانگریسی ہیں، ہم 30-20 سال سے کام کر رہے ہیں۔ عہدیدار بننے کے لیے بھی کوششیں تیز ہو گئی ہیں۔ ہمارا جو کیڈر چلا گیا تھا، وہ واپس آ گیا ہے۔

زمین سے کارکن سطح کے بہت لوگ آ چکے ہیں۔ بڑے بڑے لوگ بھی رابطے میں ہیں۔ برسراقتدار پارٹی سے بھی لوگ آ رہے ہیں، انھیں ہماری پارٹی میں امید دکھائی دے رہی ہے۔

ایسا بند گزشتہ 25-20 سال میں یہاں نہیں ہوا۔ سب کچھ بند رہا۔ سڑکوں پر ٹریفک بند تھا، 17-16 مقامات پر ٹرینیں رک گئیں، مرچنٹ ایسو سی ایشن نے بند کیا، سرکاری دفاتر بھی بیشتر مقامات پر نہیں چلے۔ ہائی کورٹ سے ضلع عدالتوں تک سب جگہ وکیلوں کی بھرپور حمایت دیکھنے کو ملی۔ دانشوروں اور ایمپلائی ایسو سی ایشن کے لوگوں کی بھی حمایت رہی۔

3 دن قبل ہم نے ایک ویمن گریوینس ریڈریسل سسٹم کا اعلان کیا تھا۔ اب یہی بات حکومت بھی کہہ رہی ہے۔ اب وہ کہہ رہے ہیں کہ اسے ہر اسکول و کالج میں سب جگہ نافذ کریں گے۔ حکومت اب راستہ تلاش کر رہی ہے کہ وہ عوام کے سامنے کون سا منھ لے کر جائے۔ حکومت میں جو لوگ ہیں، ان کے پاس حکومت کا تجربہ بھی نہیں ہے، اسی لیے کیا کریں سوچ نہیں پا رہے ہیں۔ لیکن اب وہ سوچنے پر مجبور ہیں۔