دلت ووٹر منٹو پاسوان کا خصوصی انٹرویو، جنھیں الیکشن کمیشن نے ’مردہ‘ قرار دے دیا

جب میں نے الیکشن کمیشن کی جانب سے تیار کردہ ڈرافٹ ووٹر لسٹ دیکھا، تو مجھے معلوم ہوا کہ میرا نام فہرست سے غائب ہے۔ جب میرا نام اس فہرست میں موجود ہی نہیں ہے، تو اس کا مطلب تو یہی ہوا کہ میں اپنا ووٹ ہی نہیں ڈال سکوں گا۔

لوگوں کو فارم دیے گئے تاکہ وہ اپنا نام دوبارہ شامل کروا سکیں، لیکن کسی کو نہیں پتہ کہ وہ فارم جمع بھی ہو رہے ہیں یا نہیں۔ جب نام کاٹنے کی بات آتی ہے تو فوراً نکال دیتے ہیں، لیکن جب نام واپس شامل کروانے کی بات ہو، تو کہتے ہیں ’’آدھار کارڈ، بینک پاس بک اور میٹرکولیشن سرٹیفکیٹ لے آؤ... تبھی نام از سر نو شامل ہوگا۔‘‘

میں نے آن لائن درخواست دی، پھر بی ایل او (بوتھ لیول آفیسر) کو اطلاع دی۔ وہ میرے پاس آیا اور بولا ’’مجھے نہیں پتہ تمہارا نام کیسے کٹا، لیکن کٹ گیا ہے۔ واپس شامل ہو جائے گا، دستاویزات جمع کر دو۔‘‘ پھر میں نے اسے اپنے پاس موجود بینک پاس بک، آدھار کارڈ اور میٹرک سرٹیفکیٹ دے دیا۔

جب میں سپریم کورٹ گیا تو سماعت جاری تھی۔ کپل سبل دلائل دے رہے تھے، پھر یوگیندر یادو نے بھی بات کی۔ بحث ہوتی رہی، اور پھر عدالت نے کہا کہ یہ معاملہ دوبارہ سنا جائے گا۔

اگر آپ دیکھیں تو ہر وارڈ میں 4 سے 10 لوگ ایسے مل جائیں گے جنہیں الیکشن کمیشن کے ریکارڈ میں تو مردہ قرار دیا گیا ہے، لیکن حقیقت میں وہ زندہ ہیں۔ میرے بھائی کا نام بھی فہرست سے کاٹ دیا گیا۔ میرے علاقے کی ایک خاتون کو بھی ’مردہ‘ بتا دیا گیا تھا، حالانکہ وہ زندہ ہیں اور وہ بھی میرے ساتھ عدالت گئیں۔ اب جب میں سپریم کورٹ تک پہنچ گیا ہوں، تو امید ہے کہ میرا نام واپس ووٹر لسٹ میں شامل ہو جائے گا۔

نہیں، کبھی نہیں۔ بہت سے لوگوں کے نام کاٹے گئے ہیں۔ مجھے ڈر ہے کہ اگر میرا ووٹر کارڈ چھین لیا گیا تو میں سرکاری اسکیموں سے محروم ہو جاؤں گا۔ اگر میرے پاس مکمل دستاویزات نہ ہوں، تو کل کو کہا جا سکتا ہے کہ میں بہار کا نہیں بلکہ کہیں اور سے ہوں۔ یہ سب کچھ غریبوں کے ساتھ ہو رہا ہے۔ کیا آپ نے کسی بااثر شخص کا نام کٹتے سنا ہے؟

نام صرف غریبوں کے کاٹے جا رہے ہیں۔ جو لوگ باشعور ہیں، چاہے غریب ہی کیوں نہ ہوں، ان کے نام بھی کاٹے جا رہے ہیں، کیونکہ یہ مانا جاتا ہے کہ وہ ’دوسری طرف‘ کے ووٹر ہیں۔ میں 2 دن سے یہاں پھنسا ہوا ہوں، میرا سارا کام رک گیا ہے۔ جب کام نہیں کروں گا، تو پیسہ کہاں سے آئے گا؟

یا تو اسے صحیح طریقے سے کیا جائے، یا پھر مکمل طور پر بند کر دیا جائے۔ اس پورے معاملے کی مکمل تحقیقات ہونی چاہیے۔