انٹرویو... پرینکا کے نام سے بی جے پی میں گھبراہٹ، مودی لہر کا خاتمہ یقینی: ہاردک

بالکل ضروری نہیں کہ علیحدہ پارٹی ہی قائم کی جائے۔ میرا مقصد ملک اور سماج کے لئے بہتر کام کیا جائے۔ مجھے لگتا ہے کہ ملک اور سماج کے لئے کانگریس کا حصہ رہتے ہوئے بہتر کام کر سکتا ہوں۔ اس لئے میں نے علیحدہ پارٹی قائم نہیں کی۔

تاریخ گواہ ہے کہ کانگریس کی حکومتوں نے سب کے لئے کام کیا ہے، کانگریس نے کبھی دو فرقوں کو، دو قوموں کو آپس میں لڑانے کا کام نہیں کیا ہے، کانگریس نے آزادی کے بعد سے ہی نوجوان، دلت، کمزور اور پسماندہ طبقات کے لئے اسکیمیں بنائی ہیں، کروڑوں لوگوں کو غربت کی لکیر سے اوپر اٹھایا ہے۔ چونكہ میں نوجوان ہوں، اسی لئے میں نے طے کیا ہے کہ کانگریس سے نوجوانوں کو جوڑا جائے، ہمارے صدر راہل گاندھی جی کا بھی یہی کہنا ہے کہ پارٹی میں زیادہ سے زیادہ نوجوانوں کو موقع دیا جائے۔

دیکھیے ہدف وہ طے کرتا ہے، پارٹی سے مطالبہ وہ کرتا ہے جس کا کوئی وجود نہیں ہوتا، میں کسی پیشگی ایجنڈے کے ساتھ نہیں آیا ہوں، باقی پارٹی جو کام دے گی اسے میں صبر و تحمل اور سنجیدگی سے مکمل کروں گا۔

یہ تو اچھی بات ہے، ہم لڑے تبھی تو بی جے پی کو ریزرویشن لاگو کرنا پڑا اور صرف پاٹيدار ہی نہیں وہ تمام لوگ جو اقتصادی طور پر کمزور تھے ان سب کو اس کا فائدہ ہوگا، میری لڑائی سے سب کا فائدہ ہوا۔

کہنے کا کیا، مودی جی اور بی جے پی کچھ بھی کہہ سکتے ہیں، جیسا کہ بالاكوٹ میں فضائیہ نے حملہ کیا، ہمارے جوانوں نے دہشت گردوں کا خاتمہ کیا، لیکن کریڈٹ خود مودی جی لے رہے ہیں، اس کا کیا کر سکتے ہیں۔

یہ افواہ بی جے پی پھیلا رہی ہے کہ پٹیل اس مووٹر ہے، پٹیل طبقہ نے ایک وقت میں بی جے پی کو ووٹ دیا، لیکن جب سے میں فعال ہوا ہوں بی جے پی کا کیا حال ہوا ہے آپ کو پتہ ہے۔ ایک دور تھا جب بی جے پی میں 50 پٹیل ممبر اسمبلی ہوا کرتے تھے لیکن 2017 کے اسمبلی انتخابات میں گھٹ کر ان کی تعداد 25 رہ گئی، اسی طرح کانگریس کے پاس صرف 8 پٹیل ممبر اسمبلی ہوا کرتے تھے اب یہ بڑھ کر 20 ہو گئے ہیں، یہ اعداد و شمار آپ کو سمجھانے کے لئے کافی ہیں۔

اگر گجرات کی بات کریں تو یہاں خواتین، کسان، نوجوان اور مزدور ہمارے لئے اہم ایشو ہون گے، بس یہ سمجھ لیجیے کہ دوسری پارٹیوں کی طرح ہمارے مسائل دہلی میں طے نہیں ہوں گے، ہم نوجوانوں اور کسانوں کے مسائل اٹھائیں گے، جب تک ہم نوجوانوں کو اہمیت نہیں دیں گے تب تک ملک کے حالات ایسے ہی رہیں گے، ہمارے ایشو مذہب، ذات کے نام پر نہیں ہوں گے، ہمارا ایشو فوج کا نہیں ہوگا، ہمارا ایشو یہ ہوگا کہ ہماری فوجیں مزید مضبوط ہوں۔

مجھ پر تحریک کے دوران بی جے پی نے غلط مقدمہ بنایا تھا جس میں مجھے دو سال کی سزا ہو چکی ہے، اس مواملے میں مجھے ہائی کورٹ سے ضمانت لینی ہے، اگر ہائی کورٹ منع کرتا ہے تو میں الیکشن نہیں لڑ پاؤں گا اور مجھے اس کا کوئی غم بھی نہیں ہے۔ میں مکمل سنجیدگی کے ساتھ کانگریس کے ساتھ سیاسی زندگی کا آغاز کر رہا ہوں، ایک انتخاب سے کوئی فرق نہیں پڑتا، ابھی میری عمر محض 25 سال کی ہے۔

پرینکا جی نے گجرات کی اس سرزمین سے جو مہاتما گاندھی اور پٹیل کی زمین ہے، اس سے اپنے قومی سیاسی زندگی کا آغاز کیا، اس کے لئے میں ان کا شکریہ ادا کرتا ہوں، گجرات کی زمین سے پرینکا جی، پنڈت نہرو، مہاتما گاندھی اور سردار پٹیل کے خوابوں کو آگے بڑھانے کا کام کریں گی ایسا میرا ماننا ہے، بی جے پی کے لوگ کہہ رہے ہیں کہ پرینکا جی کے آنے سے اثر نہیں پڑے گا، تو پھر وہ بار بار پرینکا کا نام کیوں رہے ہیں، ظاہر ہے پرینکا کے نام سے ان لوگوں کو گھبراہٹ ہو رہی ہے، پرینکا گاندھی کی آندھی میں مودی جادو چھو منتر ہو جائے گا۔

جب سے بی جے پی کا عروج ہوا ہے تبھی سے سردار پٹیل کی توہین کا معاملہ اٹھنے لگا ہے، میں نے اپنے باپ دادا سے کبھی نہیں سنا کہ کانگریس میں نہرو کی وجہ سے پٹیل کی توہین ہوئی یا پھر پٹیل کو مناسب جگہ نہ ملی، بی جے پی ایسی ہی پارٹی ہے جو بنا ایشو کے ایشو بناتی ہے، اگر ان کو لگے گا کہ نہرو کے نام سے ان کی سیاسی دکان چل جائے گی تو وہ نہرو کو بھی اپنا بنا لیں گے۔

دیکھیے اس وقت ایشو ملک کو بچانے کاہے، 2019 کی لڑائی آئین بچانے کی ہے، اس وقت ساری پارٹیوں کو چاہے وہ ایس پی ہو یا بی ایس پی ہو اپنے اپنے اختلافات بھلا ایک ساتھ آ جانا چاہیے، میں یہ بات سمجھ سکتا ہوں کہ ہر پردیش کی مختلف سیاست اور ہر پارٹی کے الگ الگ فوائد ہوتے ہیں لیکن 2019 کا الیکشن اس لئے اہم ہے کہ اگر اس سال ملک غلط ہاتھوں میں چلا گیا تو پھر کبھی ملک میں انتخابات نہیں ہوں گے۔

آزاد ہندوستان میں پہلی بار ایسا ہوا ہے کہ جنتر منتر پر مودی حکومت کی ناک کے نیچے آئین کی کاپیاں جلائی گئی ہیں، امبیڈکر مردہ باد کے نعرے لگائے گئے، ایسا ہندوستان میں پہلی بار ہوا ہے کہ نوجوانوں کے روزگار مانگنے پر ان کے خلاف غداری کے مقدمے لکھے گئے ہیں، آج سی بی آئی پر سوال اٹھ رہے ہیں، آر بی آئی پر سوال اٹھ رہے ہیں، سپریم کورٹ کے جج پہلی بار عوام سے انصاف کا مطالبہ کر رہے ہیں، گائے کے نام پر قتل ہو رہے ہیں، بے روزگاری 45 سال کے ریکارڈ سطح تک پہنچ چکی ہے، یہ تمام واقعات اس طرف اشارہ کر رہے ہیں کہ ملک اندر سے تبدیل ہو رہا ہے، ان ساری باتوں سے پتہ چلتا ہے کہ بی جے پی کے لوگ ہندوستان میں منواسمرتی لاگو کرنا چاہتے ہیں۔

دیکھیے بی جے پی کی تو فطرت ہے کہ فوج کی بہادری اور ہمت کو اپنے سیاسی فائدے کے لئے استعمال کرنا، کارگل کے دور میں بھی ایسا ہی ہوا تھا لیکن اس بار الیکشن کمیشن نے ہدایات دے دی ہے۔ الیکشن کمیشن کی ہدایات ایک طریقے سے بی جے پی کو پھٹکار ہے، بی جے پی ہی فوج کا سیاسی استعمال کر رہی ہے، ہمیں ہماری فوج پر فخر ہے لیکن مودی جی کو ہمارا مشورہ ہے کہ وہ وزیر اطلاعات و نشریات کی طرح کام کرنا بند کریں۔

میں بالکل اتفاق نہیں رکھتا، اگر مودی اور بی جے پی کا گجرات ماڈل اتنا اچھا ہوتا تو کانگریس کے لیڈروں کو پارٹی میں شامل کرنے کے فوراً بعد وزیر بنانے کی کیا ضرورت تھی۔ اگر بی جے پی کا گجرات ماڈل اتنا ہی اچھا ہوتا تو پھر گجرات کے ایک بڑے علاقے میں خشک سالی نہیں ہوتتی، آج بھی گجرات کے 55 لاکھ نوجوان بے روزگار ہیں، اصل میں مودی جی کا گجرات ماڈل ان کی دوسری چیزوں کی طرح ہی ایک جملہ ہے۔