روسی گولہ باری میں کم از کم 7 یوکرین کے شہری ہلاک، 9 زخمی

روس نے یوکرین کے خلاف باقائدہ جنگ شروع کر دی ہے اور اس نے یوکرین کے شہروں پر گولہ باری شروع کر دی ہے۔ روس کے صدر ولادیمیر پوتن نے کہا ہے کہ روس نے یوکرین کے بنیادی ڈھانچے اور ملک کے سرحدی محافظوں پر میزائل حملے کیے ہیں۔ جبکہ یوکرین نے کہا کہ روسی حملوں میں کم از کم سات افراد ہلاک اور نو زخمی ہوئے ہیں۔ یہ ہلاکتیں روس کی جانب سے تیز رفتار پیش رفت کی وجہ سے ہوئی ہیں اور ان حملوں کے لئے روسی صدر ذمہ دار ہیں۔

یوکرین کے کئی علاقوں میں دھماکوں کی اطلاع ملی ہیں اور دارالحکومت کیئو میں ہوائی سائرن بج رہے ہیں، جس سے ظاہر ہوتا ہے کہ دارالحکومت پر حملہ ہو رہا ہے۔ آئی ایف ایکس نیوز ایجنسی کی رپورٹ کے مطابق، روسی وزارت دفاع نے کہا کہ اس نے یوکرین کے فضائی اڈوں اور فوجی انفراسٹرکچر کو بے اثر کر دیا ہے۔ خبر رساں ادارے رائٹرز نے کہا کہ روس کے حمایت یافتہ علیحدگی پسندوں نے یوکرین کے لوہانسک علاقے کے دو قصبوں پر کنٹرول حاصل کرنے کا دعویٰ کیا ہے۔

دوسری جانب یوکرین کے صدر ولادیمیر زیلنسکی نے ملک میں مارشل لاء کا اعلان کر دیا ہے اور یوکرین کے وزیر خارجہ نے روس سے لڑنے اور شکست دینے کا عزم ظاہر کیا ہے۔ کئی دنوں سے روس-یوکرین کی سرحدوں پر روسی فوج کی بڑی تعیناتی دیکھی جا رہی تھی۔ صدر پوتن کی جانب سے یوکرین کے دو علیحدگی پسند علاقوں کو آزاد تسلیم کرنے اور امن فوجیوں کی تعیناتی کا حکم دینے کے بعد کشیدگی بڑھ گئی تھی۔