میانمار تختہ پلٹ: درجنوں افراد ہلاک، ٹریڈ یونین کی اپیل پر ملک گیر ہڑتال شروع

ینگون: فروری میں میانمار کی منتخب سرکار کو بے دخل کرنے اور فوج کے اقتدار پر قابض ہونے کے بعد سے احتجاج و مظاہرہ کا سلسلہ جاری ہے۔ اور اب تک فوج اور پولیس کے ہاتھوں درجنوں افراد ہلاک اور سینکڑوں گرفتار کیے جاچکے ہیں۔ اب اسی احتجاج و مظاہرہ کو جاری رکھتے ہوئے میانمار میں جمہوریت کی بحالی کے حق میں ٹریڈ یونین کی اپیل پر ملک بھر میں ہڑتال شروع ہے۔

ینگون میں احتجاج میں شہریوں کی شرکت کو روکنے کے لئے فوج اور پولیس کی جانب سے جگہ جگہ چیکنگ کی جا رہی ہے جبکہ کئی مقامات پر سیکورٹی فورسز کی جانب سے فائرنگ کرنے کی بھی اطلاعات ہیں۔ گزشتہ روز میانمار میں فوجی بغاوت کے بعد سے اب تک کا سب بڑا احتجاج کیا گیا، جبکہ ینگون میں احتجاج میں شریک تین افراد کو سیکورٹی فورسز نے گرفتار بھی کیا ہے۔