انتخابات میں طالبان کے حصہ لینے پر حکومت کو اعتراض نہیں: افغان وزیر خارجہ

اتمار نے کہا کہ طالبانیوں کے ان انتخابات میں حصہ لینے سے اس بات کا بھی پتہ لگ جائے گا کہ ان کی یہاں کیا صورتحال ہے۔ یہ انتخابات افغانستان کے لوگوں کے طالبان پر اعتماد کا امتحان بھی ہوگا۔

فائل تصویر بشکریہ ڈی ڈبلیو
فائل تصویر بشکریہ ڈی ڈبلیو
user

یو این آئی

کابل: افغانستان کے وزیر خارجہ محمد حنیف اتمار نے کہا کہ اگر ملک کے انتخابات میں طالبان حصہ لیتے ہیں تو حکومت کو کوئی اعتراض نہیں ہے اور اس سے اس گروپ کے تئیں لوگوں کے اعتماد کا امتحان ہوگا۔

اتمار نے کہا کہ ہم افغانستان کے شہری کے طور پر طالبانیوں کے ان انتخابات میں حصہ لینے کے حق سے واقف ہیں اور وہ افغانستان کے لوگوں کے بارے میں سوچتے ہیں اور انہیں یہ اعتماد ہے کہ وہ افغانی شہریوں کے مفادات کے لئے لڑ رہے ہیں تو آئندہ انتخابات میں انہیں حصہ لینے دیجیے۔ اس سے اس بات کا بھی پتہ لگ جائے گا کہ ان کی یہاں کیا صورتحال ہے۔ یہ انتخابات افغانستان کے لوگوں کے طالبان پر اعتماد کا امتحان بھی ہوگا۔

خیال رہے کہ فروری کے آخر میں وزیر خارجہ نے کہا تھا کہ حکومت نے طالبان کے ساتھ بات چیت کے لئے کوئی آخری تارخ کا اعلان نہیں کیا ہے اور افغانستان کے لوگوں کے تئیں ذمہ داری کے پیش نظر وہ اپنی ذمہ داری سے بچ نہیں سکتے ہیں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔