کورونا سے پوری دنیا میں 3 لاکھ 82 ہزار سے زیادہ اموات

برازیل میں متاثرین کی تعداد ساڑھے پانچ لاکھ سے زیادہ ہو گئی ہے اور یہاں 31 ہزار سے زیادہ لوگوں کی موت ہوچکی ہے۔

تصویر سوشل میڈیا
تصویر سوشل میڈیا
user

قومی آوازبیورو

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔ تازہ اعداد و شمار کے مطابق کورونا متاثرین کی تعداد 64لاکھ سے زیادہ ہوگئی ہے جبکہ اس وبا سے اب تک 3.82لاکھ سے زیادہ لوگوں کی موت ہوچکی ہے۔

ہندستان میں بھی کورونا وائرس کا قہر بڑھتا جارہا ہے اور یہ دنیا میں سب سے زیادہ معاملات ممالک کی فہرست میں ساتویں مقام پر پہنچ گیا ہے۔ہندوستان میں کورونا متاثرین کی تعداد دو لاکھ سے تجاوز کرگئی ہے۔


ادھر امریکہ میں سیاہ فام فلائید لائیڈ کی موت کے بعد سے پورے ملک میں نسل پرستی کے خلاف احتجاج و مظاہرہ جاری ہیں لیکن اس کے ساتھ کورونا کا قہر بھی رکنے کا نام نہیں لے رہا۔ امریکہ میں تازہ اعداد و شمار ملنے تک کورونا کی وبا سے اب تک ساڑھے 18 لاکھ افراد سے زیادہ لوگ متاثر ہوچکے ہیں جبکہ ایک لاکھ 8ہزار سے زیادہ لوگوں کی موت ہوچکی ہے۔ برازیل میں متاثرین کی تعداد ساڑھے پانچ لاکھ سے زیادہ ہو گئی ہے اور یہاں 31 ہزار سے زیادہ لوگوں کی موت ہوچکی ہے۔

روس میں بھی کورونا کا قہر بڑھتا جارہا ہے اور یہاں اس وائرس سے ا ب تک 4لاکھ سے زیادہ لوگ متاثر ہو چکے ہیں جبکہ 5037 لوگوں نے جان گنوائی ہے۔ برطانیہ میں بھی اس وائرس کی وجہ سے حالات مسلسل خراب ہوتے جا رہے ہیں۔ وہاں اب تک اس بیماری سے پونے تین لاکھ لوگوں سے زیادہ متاثر ہو چکے ہیں اور اس وبا سے ہلاک ہونے والوں کی تعداد 39 ہزار سے تجاوز کر گئی ہے ۔


اٹلی میں اب تک اس وائرس سے ہلاک ہونے والوں کی تعداد 33ہزار لوگوں سے زیادہ ہو چکی ہے۔ اسپین میں ہلاک ہونے والوں کی تعداد 27 ہزار سے زیادہ ہو چکی ہے۔ چین میں متاثرین کی تعداد 83 ہزار سے زیادہ ہے اور ترکی میں کورونا متاثرین کی تعداد ایک لاکھ 65 ہزار سے زیادہ ہو گئی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔