ٹرمپ کی پالیسیوں کو بائیڈن تبدیل کریں گے

امریکی صدر کے عہدہ پر نومنتخب صدر جوبائیڈن گزشتہ چار برسوں میں رخصت پذیر ڈونالڈ ٹرمپ کی پالیسیوں میں سے کچھ تبدیلی کرنے کے لئے دفتر کے پہلے دنوں میں ایکزیکیوٹیو آرڈر پر دستخط کریں گے۔ واشنگٹن پوسٹ اور ٹی وی چینل اے بی سی اور این بی سی نے جو بائیڈن کے منصوبوں سے واقف ذرائع کے حوالے سے کہا ہے کہ وہ صدر ٹرمپ کی کچھ پالیسیوں کو پلٹنے کے لئے عہدہ کی ذمہ داری سنبھالنے کے بعد ایکزیکیوٹیو آرڈرس کی جھڑی لگانے کی بات کر رہے ہیں۔

پیرس آب و ہوا معاہدہ اور عالمی صحت تنظیم میں پھر سے شامل ہونے اور سفر پابندی کو منسوخ کرنے کے بارے میں بھی بات چیت ہوئی ہے۔ ذرائع کے مطابق جو بائیڈن کے ایجنڈے کو نافذ کرنے کے لئے ایکزیکیوٹیو آرڈر جاری کرنا صرف ایک ذریعہ ہے اور ان کی ترجیح کانگریس کے ساتھ کام کرنے کی ہوگی۔

جو بائیڈن سرکاری طورپر پیر کو اپنی مدت کارکی شروعات کریں گے اور اپنی کورونا وائرس ٹاسک فورس کو بھی ایک نام دیں گے، جس کا انہوں نے اپنی منظور شدہ تقریر میں ذکر کیا ہے۔ جو بائیڈن نے سنیچر کی رات کہا کہ ہمارے کام کی شروعات کووڈ کو کنٹرول کرنے سے ہوگی۔ بائیڈن نے کہا تھا کہ وہ پیر کو اہم سائنسدانوں اور ماہرین کے ایک گروپ کو تشکیل دیں گے۔ یہ گروپ کووڈ اسکیم لینے میں مدد کرنے اور اس کا ایک ایکشن بلو پرنٹ میں تبدیل کرنے میں مدد کی جائے گی جس پر عملی طور پر کام جنوری 2021 سے شروع ہوگا۔