دسترخوانِ رمضان: سحری میں کھانے والی غذائیں، جن سے آپ دن بھر توانا رہیں گے

اگر آپ سحری میں کھائے جانے والے کھانے کو عمدگی سے استعمال نہیں کرتے ہیں تو آپ دن کے کسی بھی حصے میں اپنی توانائی کھو دیں گے اور آخر کار کم نتیجہ خیز ہوجائیں گے۔

علامتی تصویر
علامتی تصویر
user

قومی آوازبیورو

جس طرح روز مرہ کے دنوں میں باقاعدگی سے ناشتہ کرنا ہمارے دن کا سب سے اہم کھانا ہوتا ہے، اسی طرح جب رمضان کی بات آتی ہے تو سحری سب سے اہم کھانا ہوتا ہے۔ یہ بہت ضروری ہے کہ آپ سحری میں پیٹ بھرنے والا غذائیت سے بھرپور کھانا کھائیں جو آپ کو دن بھر کے طویل روزے کے دوران مکمل طور پر تقویت بخشتا رہے۔ اگر آپ سحری میں کھائے جانے والے کھانے کو عمدگی سے استعمال نہیں کرتے ہیں تو آپ دن کے کسی بھی حصے میں اپنی توانائی کھو دیں گے اور آخر کار کم نتیجہ خیز ہوجائیں گے۔

لہذا پیٹ بھرنے کے ساتھ ساتھ سحری کا تقویت بخش ہونا بھی انتہائی ضروری ہے جو دن بھر آپ کو چُست اور توانا رکھے۔ ذیل میں کچھ ایسے کھانوں کی فہرست دی جا رہی ہے جو سحری میں کھانا انتہائی ضروری ہیں تاکہ آپ کا روزہ اچھے سے گزرے اور آپ کو روزے کی حالت میں کمزوری یا ناتوانی کا احساس نہ ہو۔


دہی

دہی سحری کے لیے طاقت سے بھرپور ناشتے میں شامل ایک اہم جز ہے۔ پروٹین کی طاقت سے بھرپور دہی سے بھرا ایک پیالہ سحری میں کھانے سے آپ کو دن بھر پیاس نہیں لگتی اور یہ آپ کو چاق و چوبند بھی رکھتا ہے۔ سحری میں دہی کھانا روزے کے طویل دن کی تیاری کا بہترین طریقہ ہے۔ روزے کی حالت میں ایک طویل دن گزارنے کے لیے سحری کرنا ضروری ہے تاکہ آپ اچھے سے کھانا کھائیں جو آپ کی صحت کے لیے بھی اچھا ہو اور آپ کے پیٹ کو پورا دن بھرا ہُوا رکھے۔

فروٹ سلاد

پھل کھانے کا کوئی بھی وقت کبھی غلط نہیں ہوتا اور آپ کے پسندیدہ پھلوں سے بھرا ایک شاندار پیالہ سحری میں کھانے کے لیے بہترین انتخاب ہے۔ پھل نہ صرف آپ کی صحت کے لیے بہترین ہیں بلکہ دیگر غذائی اجزاء پروٹین، کیلشیئم، آئرن اور مختلف قسم کے وٹامنز سے بھی مالا مال ہیں۔ فروٹ سلاد سحری میں کھانے کے لیے بہترین انتخاب ہے۔


انڈا پراٹھا

آپ کے کلاسیکی اور دیسی ناشتے یعنی انڈا پراٹھے کو کوئی اور ڈش زیر نہیں کرسکتی۔ یہ پروٹین اور صحت مند فیٹس کا ایک بہترین مجموعہ ہے جو نہ صرف آپ کا پیٹ بھرتا ہے بلکہ اپ کو بھر پور توانائی بھی فراہم کرتا ہے جو دن بھر کے طویل روزے میں آپ کو چست اور توانا رکھنے میں مددگار ثابت ہوتا ہے۔ اسے بنانا بھی آسان ہے اور سحری کے اوقات میں جب آپ کے پاس وقت کی تنگی ہوتی ہے تو ایسے میں یہ آپ کا وقت بھی بچائے گا۔ لہٰذا ہمارا مشورہ ہے کہ ایک مکمل سحری کے لیے انڈا پراٹھے کو اپنے کھانے کا لازمی حصہ بنائیں۔

اسمودی (شیک)

اگر آپ آدھی رات کو بھاری کھانے کا شوق نہیں رکھتے ہیں تو اسمودی یا شیک آپ کی بہترین دوست ثابت ہوگی۔ اسمودی آپ کے لیے بے حد متناسب، صحت مند، ذائقہ دار اور سحری کے لیے ایک مکمل غذا ہے جو آپ کو روزے کا ایک طویل دن گزارنے کے دوران تندرست رکھنے کے لیے بہترین انتخاب ہے۔ سحری کے وقت اپنے پسندیدہ پھلوں کی صحت مند اور خوش ذائقہ اسمودی بنائیں، اس کے ایک بڑے گلاس سے بھر پور لطف اٹھائیں اور دن بھر چاق و چوبند اور توانا رہیں۔


جَو

جَو یا جئی سحری کے لیے ایک صحت مند اور پروٹین سے بھرپور نسخہ ہے جو آپ کو دن بھر توانائی بخشتا رہے گا۔ یہ کم محنت کے ساتھ بنانے میں بہت آسان ہیں اور آپ کی ترجیح کے مطابق دودھ یا پانی کے ساتھ لیے جا سکتے ہیں۔ اپنے پیالے کو کچھ موسمی پھلوں کے ساتھ جوڑ کر خوشیوں بھرا احساس جگائیں اور ایک بھرپور دن گزاریں۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔